Тілім-қазақ....

Жүректегі жеткізетін жырымды,
Тілім - қазақ, ұшқын атқан жалыны.
Ақтаратын өлеңім мен сырымды,
Тілім - қазақ, түркілердің сарыны.

Пейіліндей қазағымның кеңдігі,
Тілім - қазақ, ата-бабам мұрасы.
Заңғарларға қарыштайын ендігі,
Тілім - қазақ, баққа кеткен ұласып.

Төрткүл әлем таңдай қағар тамсана,
Тілім - қазақ, әрбір сөзі әдемі.
Сынағы көп жолдан өткен қаншама,
Тілім - қазақ, сақталған сан әдебі.

Қазақ тілін мойындатар жаһанға,
Сен екеуміз - бейбіт өмір баласы.
Ана тілді ғажап тіл де, бас алға,
Нұрлы жол бар біз жүретін, қарашы!

«Қазақ тілін құдірет деп саралау»
Деген сөзде мағына бар қаншама?
Міндетіміз - ана тілді бағалау,
Жер бетінде соңғы қазақ қалғанша!..

---