Өшпес сәулем

Сен менің күнім едің жарқыраған,
Таласып таңмен бірге қоса атқан.
Сен менің айым едің толықсыған,
Сәулесін айлы түнде маған шашқан.
Сен менің жұлдызым едің жымыңдаған,
Жарқырап әрбір түні нұрын қаққан.
Сен менің лебім едің самал желдей,
Шашымды қоңырлатып бір сипаған.
Сен менің жаңбырым едің нөсерлеткен,
Қара жерді нөсеріңмен бір тербеткен.
Сен менің кіршіксіз ақ қарымсың,
Ақ көңіл, ақ ниетпен шыңға біткен.
Сен менің қорғаным ең арқа сүйер,
Қайғы менен қуанышқа бірге күйер.
Сен менің ақылшым ең дана бидей,
Ақылды даналықпен бірге түйер.
Сен менің заңғарым ең сая болған,
Бәйтерек едің жапырағын кеңге жайған.
Сен менің тірегім едің қорғасындай,
Қамқоршы едің әрбір жанға құшақ жайған.
Сен менің қос көзімнің жанарысың,
Болашақта бір болуды армандаған.
Сен менің жүрегімнің алауысың,
Мәңгілік сол жүректе маздап жанған