Жетім мұңы

Анамды көрмей, өстім мен,
Жетімдікке тап болып.
Екі көзді мұң шалды,
Мөлтілдеп, ыстық жас толып.

Дариға ай! неткен қатал еді?
Құдіреттің әмірі!
Жетім қылдың не үшін?
Жаратқан көкті Тәңірі!

Анам жоқ, жанды жылытар,
Тән емес, жаным жаурайды.
Қинағанша мені бұлай,
Жанымды неге алмайды?

Далада жүрмін тентіреп,
Бір тілім нанға, зар болып.
Бермейді сараң байларың,
Үйінде наны бар болып.

Көңілім суып бәрінен,
Кетіп барам, ары мен.
Жалғанда анаң болғаны,
Шипасы күшті дәріден.

Амал жоқ, көндім бәріне,
Қандырды бейнет зәріне.
Анадай қамқор, пана жоқ.
Ренжідім, тойдым бәріңе.

---