Өлең, жыр, ақындар

Жанымыз толы

  • 21.03.2019
  • 0
  • 0
  • 1162
Жанымыз толы жауынгер жалын жігерге,
Көңіліміз ашық, тұмансыз күндей жап-жарық,
Ойымыз дарқан толқыған Ертіс, Еділдей
Толқый бір аққан шың менен құзды қақ жарып.
Қиялдап әне күмбездей көкте қалқып жүр –
Ғажайып сонау қыранның таққан қанатын.
Биік шатқалдан іздейді алтын ұялар –
Кеш сайын күннен алаулар алып қалатын.
Биік шатқалдан іздейді алтын ұялар
Кеш сайын күннен алаулар алып қалатын,
Кеш сайын, күнде сорғалай ағып қиядан
Әр бір жүрекке от тамшы болып қонатын.
***
Тіпті алыс жатса іргеміз,
Көріспей жүрсек те күнде біз,
Көңіліміз бөлініп көрген жоқ.
Күндіз де, түнде де біргеміз.
Болмайды шыққан із, кірген із,
Сонда да бір үйде біргеміз.
Үнсіз - ақ сөйлесе береміз,
Өзгелер ұқпайтын тілде біз.



Пікірлер (0)

Пікір қалдырыңыз

Бүгінгі сөз

  • 0
  • 0

Тыңдаңдар!
Бүгінгі сөз - сөзден бөлек
Бүгін әркім сөйлейді елден ерек.
Бүгін біздің жанымыз қанатты жан,

Толық

Кезегі күзеттің

  • 0
  • 0

Тірліктің қадырын жас сабаз білген бе,
Нe жетсін жарықта жер басып жүргенге.
Зардабы жазым қып кетпесін дейміз де
Қазір біз қашамыз ащылау тілден де.

Толық

Зоя

  • 0
  • 0

Көбісі осы жиналғандардың баламыз,
Бұларға біз де әкеміз бүгін, анамыз.
Тірлікте осылар сүйенішіміз, панамыз,
Өлсек те осылар жерлеген жерде қаламыз.

Толық

Қарап көріңіз