Өлең, жыр, ақындар

Қан тамырлар

  • 23.03.2019
  • 0
  • 0
  • 2172
Баллада

Тарам-тарам қан тамырдай,
Ертелі-кеш соққан тынбай,
Телефонның сымдарынан
Дамыл алмай жүргендей қан,
Бір ауыз сөз кетпей текке,
Жетсе бәрі зеңбірекке:
Батарейден от жалақтар,
«Жау қайдалар» снарядтар!
Жаудың оты жалмаң қаққан,
Зеңбіректен, минометтен,
Күркіреді, тынбай тұрды,
Жанған шоқтай оқ жаудырды.
Тарам-тарам тамырлардан,
Жетті тарап әмір жылдам.
Оққа оқпенен жауап кетті,
Жерді қатты дірілдетті.
Сым тамырлар оқтын-оқтын,
Салмағынан түскен доптың,
Үзіледі шыдай алмай,
Батарейге тіл бере алмай.
Сонда жігіт қан тамырлы,
Жалғастырып сым тамырды,
Жеңгізбеді оққа сырын.
Өшіргенше жаудың үнін,
Мадақтаймыз шын ерлерді:
Қан тамырлы жігіттерді!

1941



Пікірлер (0)

Пікір қалдырыңыз

Темірші әні

  • 0
  • 0

Қазанда сарқ-сұрқ қайнайды темір,
Жалаңаш қолмен көсейміз отты.
Темірден қуат алады өмір
Қорлайды жаулар қуаты жоқты.

Толық

Сарыарқа

  • 0
  • 0

Әперші, балам, домбыра
Қаңсытпай күнге шанағын.
Құлағын бұрап жаңадан,
Жаңарта перне тағамын.

Толық

Аталар туралы

  • 0
  • 0

Біреуі мен ем атасын сүйген жастың.
Өмір бойы сені, ата, ұмытпаспын.
Күс-күс қолмен басымнан сипадың да,
Желден ықсам жып-жылы қойныңды аштың,

Толық

Қарап көріңіз