Өлең, жыр, ақындар

Айтыңдаршы, арманым не

  • 23.03.2019
  • 0
  • 0
  • 4342
Жеңіс күні

− Ей, жолдастар,
Замандастар!
Ата-аналар,
Балғын жастар!
Тыңда мені, тыңда мені!
Құттықтаймын сүйіп сені!
Біріңді де, бәріңді де,
Жасыңды да, кәріңді де,
Ұлы Отанды кім күшейтсе,
Жеңу үшін қанын төксе,
Ұлы Отанды кім күшейтсе,
Жеңу үшін еңбек етсе,
Жау тынысы тынған күні,
Жерге басын ұрған күні
Құттықтаймын жанымменен,
Оттан ыстық қанымменен!
Қанды тозаң шөгіп төмен,
Күлімдеп күн тас төбеден.
Зеңбіректер алды тыным,
Бәсеңдетті қаһарлы үнін.
Өйткені, жау түсті күйреп,
Жеңді снаряд балшықша илеп.
Сескенбеген оқ пен оттан
Батыр солдат шықты окоптан,
Басып берік жаудың жерін,
Жазды бойын, алды демін.
Өйткені жау түсті күйреп,
Жеңді солдат балшықша илеп!
Бейне солдат шешпей белін,
Бастап келген жеңіске елін –
Бас қолбасшы - тірі Ленин –
Орындаған өз дегенін
Ұлы көсем алды демін.
Өйткені жау түсті күйреп.
Жеңді Ресей балшықша илеп.
Ей, жолдастар,
Замандастар!
Ата-аналар,
Балғын жастар!
Жаршың болып саламын жар.
Шаттаныңдар, мақтаныңдар!
Той жасаңдар, дулатыңдар,
Жердің бетін шулатыңдар!
Керек болса тойға ақсарбас
Қазақ па екен құрбан шалмас!
Бөгелмеңдер, тоқталмаңдар!
Құрбандыққа мені алып шал!
Жарай алсам ол кәдеңе,
Айтыңдаршы, арманым не?!

1945



Пікірлер (0)

Пікір қалдырыңыз

Дәужаннан Ленинге хат

  • 0
  • 0

Жолдас Ленин екеуміз
Түйдей құрдас екенбіз.
Өмір болса екеуміз
Жүзге бірдей жетерміз.

Толық

Балықшы

  • 0
  • 0

Жағасында Аралдардың,
Балықшылар құрған аудың
Шыр айналып төңірегінде,
Қанаттарын төсеп күнге

Толық

З. С. Кедринаға

  • 0
  • 0

Тап кеше ғана саналушы едік жасқа біз,
Әлі өшкен жоқ қой сондағы біздің басқан із.
Шуылдап келдік сыбаға сұрап өмірден,
Тап болмасақ та дап-дайын тұрған асқа біз.

Толық

Қарап көріңіз