Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Інілерге

Әбділдә Тәжібаев

Інілерге

  • 23.03.2019
  • 0
  • 0
  • 2830
Шалдарға күлімсіреп қарайсыңдар,
Жатыр-ау жандарыңда талай сындар.
Әдетпен әлпештесіп ағаларды,
Жаманын жарамдыға балайсыңдар.
Өлең боп алдарыңнан көп өтеді
Ойға да, құлаққа да қолайсыздар,
Әдебін сыйластықтың, қимастықтың
Ұқпайды ұяты жоқ, кей арсыздар.
Бірімін мен де, інілер, сол ағаның,
Жақтырмас жастардың сынағанын,
Тастайық, қалсын енді сақал сату,
Құны жоқ оңай тиген сыбағаның.
Айтыңдар ақ көңілмен әділетін,
Алыңдар таңдап жырдың ұнағанын.
Жасығын жалтақтамай жалтақ деңдер.
Сендерден осы менің сұрағаным.

1957

шал аға іні Әбділдә Тәжібаев інілерге Әбділдә Тәжібаев өлеңдері

Пікірлер (0)

Пікір қалдырыңыз

Алты жолдар

  • 0
  • 0

Деп жүрміз ғой қартайдық, киеліміз,
Күн бұлттанса сыздайды сүйегіміз.
Кейде әреңдеп тұрамыз орнымыздан,
Екі аяққа екі қол сүйеуіміз.

Толық

Жарапазаншы

  • 0
  • 0

«Қазақта ақын бар ма Сүйінбайдай!
Сөздері таудан тасқын құйылғандай.
Білмеймін қайда барын күшті аруақтың,
Пір тұттым Сүйекемді сыйлағандай.

Толық

Еске алу

  • 0
  • 0

Есімде жоқ шын суреті
Әкем менің қандай кісі...
Тек елестей бұлдырайды
Әлдекімнің көлеңкесі.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер