Қаламдастың әзіл-шыны
Жаппар деп қойған екен атынды ерек,
Еректік мәнісін сен білсең керек.
Өмірбек әулетінен сыйынғанның
Келесің пірі болып жебеп-желеп.
Өлеңдер жинағы - 347 бет
Тымақ киген
Лайлап менің тұнық бұлағымды,
Бұлдапсың, құдам, киген тымағыңды.
Тымағың таразы емес адамдыққа,
Тоңдырмас киім ғана құлағыңды.
Жарасқанға жараспаған
Өлеңнен өзге жайлы жақ ашпаған,
Биікке ұмтылмаған, таласпаған
Кісідей әркімге айдар үлестіру
Ақынға Жарасқандай жараспаған.
Мәдениетке
Елуге келдің ентелеп,
Ел жұртыңа еркелеп.
Бәйбіше Медет боп балпима
Ол әзір саған ертерек.
Ақ тұлпарға
Ақ тұлпар әкеп сыйладың, балам,
Жүректен алғыс айтамын саған.
Есіңе алып әжем бар еді деп,
Болғаның үшін мені ойлап алаң.
Ақорда үй болыңдар
Болашаққа деген ұлы сеніммен
Қол ұстасып өтпек болып өмірден
Балаларым игі қадам басыпсың.
Бата бергем аналық ақ көңілден.
Қайыркенге
Мен көргенде алғаш сені Қайыркен,
Мына аруға деп ем келер қай ұл тең!
Тұла бойың еді ақыл-парасат,
Құйылғандай ілтипат пен қайырдан.
Жақындарыма
Пана болып-ақ бақтым мен сендерге
Қарсы тұрып тағдырдан келген керге.
Сан еркекке алдырмай көкірегімді,
Намыстарың жібермей менмендерге.
Жақсысың десем, шыным
Жақсысың десем, шыным.
Жақтасым етейін деп тұрғаным жоқ.
Әрі алшы, әрі тәйке түсіп,
Лайлыққа көңілімді бұрғаным жоқ.
Ақ шағалам
Еркелетіп Мәдет дейміз
Мәдениет атынды.
Ата-анаң танып қойған
Бойда парасатыңды.
Үміт күткен бауырға
Түңілсем етті
шықпас деп сенен ештеңе.
Бұл өнеріңді
байқадым екен кеш неге!
Иығыңа зер шапан
Ақындар қауымымыз кейде тату,
Дүрдараз қалжыңға да кейде бату.
Өзін, де апта соқпай басылмайтын
Арқаның ақ бораны ақын Ғафу.
Тұрсынбекке
Артымнан іздеп келер бауырымсың,
Емессің ел қарасы тәуірімсің.
Қанаттас сен тұрғанда кім өткереді
Апаңның мерейтойдай ауыр ісін.
Не қылғаның
Кеше ел, жер деп келіп табынғаның,
Қазақстан еді ғой сағынғаның.
Қай Отан, қай ел-жерің енді арманын
Бүгін кеп күңіренгенің не қылғаның?
Жасай бер, әріптесім!
Таппай ма әр кеудеден жыр ұясын,
Жыр сүйген жүрегіме нұр құйғасын.
Құттықтап мерейтойымен мен де келдім,
Қазақтың Сазгер ұлы Нұрғисасын.
Мәшһүр азамат
Табылмас бұл кім еді деп сұраған,
Емес ол жаңа талап бак сынаған.
Қазаққа ғана емес, алуан елге
Мұқанов Сәбит сынды мәшһүр адам.
Жапырақ жайып көктегін
Елу жасың құтты болсын, Қазыбек,
Ғұмыр кешкін көктемі мол, жазы көп.
Маңайыңды арайлы ақ нұр қоршасын,
Алланың тек ақ мейірін азық ет.
Тойың тойға ұлассын
Алауламай, аймағыңа бұлқымай,
Сыпайы ылғи, сырбаз ғана бір сыңай.
Ақырын жүріп, анық басып келесің
Ел қазақтың ақын қызы Тұрсынай.
Ақ халатты абзал жан
Тәңірінің жазуымен мынау ғалам —
Ғажайып түрлі мәнге толы Алаң.
Әуелде маңдайына Алла жазып
Қойғанды сол Алаңнан алады адам.
Суық сұрға
Өмірдің көріп бақты-ау қиянатын
Күшті жоқ қиянатты тыя алатын
Деп жүріп, иреңдеген суық сұрды
Келіппін маңайыма ұялатып.
- Лев Шестов
- Лев Шестов
- Лев Шестов
- Лев Шестов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі