батыр туралы мақал-мәтел

«Арық» деген жаман тай Жазға шықса ат болар, Жамандығың сезілсе Жақын кісің жат болар.

жан-жануар, төрт түлік мал

Жабыны жалды екен деп Сатып алма, Жаманды малды екен деп Жақын қылма.

жан-жануар, төрт түлік мал

Жақынның жаманын мақтама, Көршіңнің ала жібін аттама.

жақын, жаман

Ақылы елден артылған, Ақылық болса, бір мақтан. Жұрттығы жұрттан артылған Жақының болса, бір мақтан.

туған, туыс

Туысы жақын жақын емес, Қонысы жақын — жақын.

туыс, ағайын

Үйден ұзап шықпасаң Қатынға қадірің болмайды. Ауылдан ұзап шықпасаң Жақынға қадірің болмайды.

үй, қатын

Ақынның тілі қылыштан өткір, Қылдан нәзік.

ақын, сөз

Той — ақындікі, Көкпар — батырдікі!

той, ақын

Ақынның хаты өлмейді, Батырдың аты өлмейді.

ақын, батыр

Жауға жақсылық қылма, Жақынға тапшылық қылма.

жау, жақын

Алыстағыңа сыйын, Жақындағыңа сүйен.

жақын, алыс

Батырлығың не керек? Байсалдылық болмаса, Ақындығың не керек? Айтарлығың болмаса.

батыр, ақын

Жақыныңмен жауласқан Жатқа мазақ болар.

жақын, жат

Қарыстың алыстығы бар, Сүйемнің жақындығы бар.

алыс, жақын

Ұлың өссе – ұлы жақсымен жақын бол, қызың өссе қызы жақсымен сыйлас бол.

ұл, қыз

Алыстан арбалағанша, Жақыннан дорбала.

алыс, жақын

Жамандық жақын, жақсылық алыс.

жақсылық, жамандық

Ақын — ұлттың жүрегі, Шешен — көптің тірегі, Батыр — көптің білегі.

сөз, сөз өнері

Ащы мен тұщыны татқан білер, Алыс пенен жақынды жортқан білер.

алыс, жақын

Жақыны көп адам жасқанбайды.

адам, туыс

Алыстан дабыл сазы хош келеді, Жақындасың – бос келеді.

дабыл, саз

Ағайын алыста болса, кісінесер, Жақында болса, тістесер.

ағайын, туыс

Ат аяғы ақсауық, Ақын тілі қақсауық.

ат, аяқ

Ауылыңда қартың болса, хатың сол, Жаманың болса, жатың сол. Жақсылық болса, жақының сол.

ауыл, өарт

Әдепшілік белгісі— Иіліп сәлем бергені. Жақындықтың белгісі— Кешіктірмей келгені.

әдеп, жақын