Мақал-мәтелдер

Су сағасы — бұлақ,
Сөз сағасы — құлақ.

Ілмектер: су, сөз, тіл

---

---

Айтар нақылы жоқтың,
Табар ақылы жоқ.

Ілмектер: сөз, тіл, ақыл

---

---

Күнде бір сөз есітпесең
Құлағың қалқандай болады.

Ілмектер: сөз, тіл

---

---

Ақ сөз ащы болады,
Ғайбат сөз тәтті болады.

Ілмектер: сөз, тіл, ащы, ғайбат

---

---

Мал басынан байланады,
Адам тілінен байланады.

Ілмектер: адам, тіл

---

---

Ақындар қайда сөз сонда,
Сұлулар қайда наз сонда.

Ілмектер: сөз, тіл

---

---

Тілменен тікен алып болмас.

Ілмектер: тіл

---

---

Тілге шешен,
Іске мешел.

Ілмектер: тіл

---

---

Ауызында әзілі жоқтың
Қолында қол шоқпары бар.

Ілмектер: сөз, тіл

---

---

Тұз астың дәмін келтірсе,
Мақал сөздің мәнін келтіреді.

Ілмектер: мақал, сөз, тіл

---

---

Кесірлі ауыздан
Кесапатты сөз шығар.

Ілмектер: кесір, тіл, сөз

---

---

Көптің аузы — зеңбірек.

Ілмектер: тіл, сөз

---

---

Көп сөйлесең — тақылдақ дер,
Аз сөйлесең — ақымақ дер.

Ілмектер: ақымақ, сөз, тіл

---

---

Сөзіңді айт ұққанға
Айтып айтпай не керек,
Құлағына мақта тыққанға.

Ілмектер: сөз, тіл

---

---

Сөз бергенге ерме,
Бөз бергенге ер
Сөз — бейнет болар,
Боз — көйлек болар.

Ілмектер: сөз, тіл

---

---

Көз көргенше,
Ауыз батыр, сөйлеп қал.

Ілмектер: сөз, тіл

---

---

Құрғақ сөз бас ауыртар,
Құрғақ қасық ауыз жыртар.

Ілмектер: сөз, тіл

---

---

Ауруда — шаншу жаман,
Сөзде — қаңқу жаман.

Ілмектер: ауру, сөз, тіл, жаман

---

---

Айтсаң сөзіңе жет,
Мінгес те, үйіңе жет.

Ілмектер: сөз, тіл

---

---

Сөйлемесе қайдан туады?
Сөз сөзден туады.

Ілмектер: сөз, тіл

---

---