Кіру Тіркелу
Өлең, жыр, ақындар
  1. Негізгі бет
  2. Мұхит Мерәліұлы

Ілмек бойынша іздеу

Өлеңдер (13)

Айдай

Мұқиттың-ай, мен салайын “Айдайына-ау”,
Бақ берген-ай, ер жігіттің-ау, маңдайына-ай, аһ-ай!
Алшаңдап асау кердей жүргенімде-ай,
Құрбының тап боламын-ай, айдай-ой, қандайына?!

Толық

Айнамкөз

Салмасам “Айнамкөзге” ән болмайды,
Кимесем екі бешпент сән болмайды.
Ойнасаң өзің теңдес жаспен ойна,
Ол-дағы алғаныңнан кем болмайды.

Толық

Ақиіс

Ұйқысыз, біздің Мұқтар қаршыға ұйқы,
Жақсының жүрген жері ойын-күлкі.
Келді де бір ақ сұңқар іле түсті,
Біз едік тауда ойнаған қызыл түлкі.

Толық

Алуаш

Беліме асынғаным бұйда пышақ,
Көрдім де ақ жүзіңді жайдым құшақ.
Ақ Алуаш, отырмысың, жатырмысың,
Айдында жалғыз жүзген аққу құсап.

Толық

Демалыс

Жылқыда сұлусынған қара ала аттай,
Мезгілсіз кеш болғанда жүрдім қатты-ай.
Алыстан әдейі іздеп келіп едім,
Сөзіңді естиін деп балдан тәтті-ай.

Толық

Дүние

Ат басқа, доға басқа, шылия басқа,
Кез келсе қарамайсың, дүние-ау, кәрі-жасқа.
Көзіңе көрінгенді иттей қауып,
Көрсеттің жек көрініш, дүние-ау, қарындасқа.

Толық

Еркем

Алдында сау қайыңның сал бар, қалқам,
Жайылған сахарада, ей еркем, мал бар, қалқам.
Бірге өскен кішкентайдан қалқам едің,
Күн жақсы, қосылғанша, ей еркем, бар, бар, қалқам.

Толық

Жайма қоңыр

Тәкаппар неге керек пасық кісі,
Ойнайды көзін қысып ғашық кісі.
Білдірген көңіл сырын ишаралап,
О дағы ғашықтықтың басыртқысы.

Толық

Зәуреш

Уа, Зәуреш, сенің үшін елден келдім,
Баяғы өзің көрген жерден келдім.
Сен неге мен келгенде тебіренбейсің,
Иіскеп, бір сүйейін деген едім.

Толық

Кіші айдай (Бала Ораз)

Жақсы адам жасырмайды адал сырын,
Жаманда жақсылық жоқ ешбір ырым.
Атар таң, сол жаманға шығар күн жоқ,
Келгенде сөйлер сөзге кетер қырын.

Толық

Көк айдай

Ой, қалқам, сен де көркем, мен де көркем,
Қосылса екі көркем болады тең.
Дөңбекшіп төсегімде жата алмаймын,
Есіме сен түскенде, сұлу еркем.

Толық

Паңкөйлек

Паңкөйлек маң-маң басқан аяқ басатұғын,
Жар қайда ондай көңіл ашатұғын.
Кешегі жиырма бестің желігінде,
Көңілім тау суындай тасатұғын.

Толық

Үлкен айдай

Мұқитың салады енді “Айдайына”,
Бақ берген, ер жігіттің, маңдайына.
Жаманға бір сөз айтсаң теріс қарайды,
Жақсының мен жүремін ыңғайына.

Толық

Жаңалықтар

Нақыл сөздер

Пікірлер