Данышпаныңды сөксең де, қор болмайды,
Дәлдірді көтерсең де, зор болмайды.

Ілмектер: данышпан, адам

---

---

Оқтың да жарасынан аман қалған,
Қоңыздың шаққанына арандаған.

Ілмектер: адам

---

---

Басқаның бейбақтығына қуанба, бақыттылығына қуан.

Ілмектер: бақыт, адам

---

---

Жаман арба жол бұзар,
Жаман адам ел бұзар.

Ілмектер: жаман, адам

---

---

Топас адам – тобашыл,
Жаман адам – табашыл.

Ілмектер: адам

---

---

Сұм сипап отырып шымшиды.

Ілмектер: сұм, адам

---

---

Жабағы тайдың тері ащы,
Жаман адамның тілі ащы.

Ілмектер: жаман, адам, тіл

---

---

Сөйлей білмес жаманның,
Сөзі өтпес бір пышақ.
Сөз білетін адамның
Әр сөзіне бір тұсақ.

Ілмектер: жаман, адам, сөз

---

---

Наданға жалынғанша,
Адамға жалын:
Надан жолыңды тосады,
Адам қатарға қосады.

Ілмектер: надан, адам

---

---

Жаман адам төршіл.

Ілмектер: жаман, адам

---

---

Жақсы адам туса —
Көптің ырысы,
Жазғы жаңбыр жауса,
Көктің ырысы.

Ілмектер: ырыс, адам

---

---

Жақсы адам жолына
Жол азық қалдырады.
Жаман адам жолыңа
Ор қазып қалдырады.

Ілмектер: жақсы, жаман, адам

---

---

Жаман адам кетсе,
Дүние кеңіп қалғандай болады.
Жақсы адам кетсе,
Дүние кеміп қалғандай болады.

Ілмектер: жаман, жақсы, адам

---

---

Тұлпар дүлдүлдігімен,
Адам білгірлігімен.

Ілмектер: адам

---

---

Асыл туған адамның
Алтын жетпес нарқы бар.
Жақсы менен жаманның
Аспан мен жердей парқы бар.

Ілмектер: жақсы, жаман, адам, мінез-құлық

---

---

Адамның көңілі
Бір атым насыбайдан қалады.

Ілмектер: адам, көңіл, мінез-құлық

---

---

Түлкі мінез адамдар,
Досты досқа жамандар.

Ілмектер: дос, адам

---

---

Жақсы адамның жасын сұрама,
Жақсы аттың тісін қарама.

Ілмектер: жақсы, адам, өнеге, тәрбие

---

---

Пасық адам белгісі:
Өзі бола алмайды,
Болғанды көре алмайды.

Ілмектер: адам, пасық

---

---

Жұмсақ ағаш құртқа жем,
Жұмсақ адам жұртқа жем.

Ілмектер: адам, мінез-құлық

---

---