Екі жақсы қосылса,
Ай мен күндей жарасар.
Екі жаман қосылса,
Ырылдасар, таласар.

Ілмектер: жақсы, жаман

---

---

Жақсы сыйлағанының құлы,
Жаман қорыққанының құлы.

Ілмектер: жақсы, жаман

---

---

Жамансыз жақсы болмас,
Несиесіз, нақты болмас.

Ілмектер: жақсы, жаман, мінез-құлық

---

---

Жаманға — таяқ,
Жақсыға — ишарат.

Ілмектер: жақсы, жаман, мінез-құлық

---

---

Жақсыны көріп,
Пікір ет,
Жаманды көріп,
Шүкір ет.

Ілмектер: жақсы, жаман, мінез-құлық

---

---

Жақсымен жанассаң
Атаққа ілінерсің.
Жаманмен жанассаң
Шатаққа ілігерсің.

Ілмектер: жақсы, жаман, мінез

---

---

Асыл туған адамның
Алтын жетпес нарқы бар.
Жақсы менен жаманның
Аспан мен жердей парқы бар.

Ілмектер: жақсы, жаман, адам, мінез-құлық

---

---

Жаманды көрмей,
Жақсыны танымайсың.

Ілмектер: жаман, жақсы

---

---

Жақсы әйел ер көңілін өсіреді,
Жаман әйел ер отын өшіреді.

Ілмектер: әйел, ер, жақсы, жаман, отбасы

---

---

Жаманға қол бергенше
Жақсыға жол бер.

Ілмектер: жақсы, жаман

---

---

Жақсы кісі сырқаттанса,
Көңілін сұрар ағайын.
Жаман кісі сырқаттанса,
Жан баспайды маңайын.

Ілмектер: жақсы, жаман, кісі

---

---

Екі жақсы қосылса,
Қыл өтпейді арадан.
Екі жаман қосылса,
Қол кетпейді жағадан.

Ілмектер: жақсы, жаман

---

---

Екі жақсы қас болмас,
Екі жаман дос болмас.

Ілмектер: жақсы, жаман, дос

---

---

Жақсының басына іс түссе,
Ашынар да, ашылар.
Жаманның басына іс түссе,
Төгілер де, шайылар.

Ілмектер: жақсы, жаман, мінез-құлық

---

---

Жаманға басшы болғанша,
Жақсыға қосшы бол.

Ілмектер: жақсы, жаман

---

---

Жақсыны көрсең —
Көңілің ашылады,
Жаманды көрсең —
Көңілің басылады.

Ілмектер: жақсы, жаман

---

---

Жаманға етіңді бер,
Жамандығын қойсын деп.
Жақсыға ниетіңді бер,
Мерейі толсын деп.

Ілмектер: жақсы, жаман, мінез-құлық

---

---

Жақсының қасиеті — жарастыру,
Жаманның қасиеті— таластыру.

Ілмектер: жақсы, жаман, мінез-құлық

---

---

Жақсыға айтқан тура сөз —
Жасақ тіккен тумен тең.
Жаманға айтқан тура сөз —
Құмға төккен сумен тең.

Ілмектер: жақсы, жаман, сөз

---

---

Жақсыға айтсаң
Бітірер,
Жаманға айтсаң
Жітірер.

Ілмектер: жақсы, жаман, мінез-құлық

---

---