Көз аласынан,
Сөз саласы жаман.

Ілмектер: сөз

---

---

Өгізді өрге салма
Қарың талар.
Жаманға сөзің салма
Сағың сынар.

Ілмектер: сөз, жаман

---

---

Сөйлей білмес жаманның,
Сөзі өтпес бір пышақ.
Сөз білетін адамның
Әр сөзіне бір тұсақ.

Ілмектер: жаман, адам, сөз

---

---

Жақсы сөзіңді сыйлар
Жаман тезіңді сыйлар.

Ілмектер: жақсы, жаман, сөз

---

---

Жақсының сөзі кепіл,
Жаманның өзі кепіл.

Ілмектер: сөз, жақсы, жаман, мінез-құлық

---

---

Жақсының өзі де жақсы,
Сөзі де жақсы.

Ілмектер: жақсы, сөз

---

---

Жақсының сөзі:
Шамдай жарық,
Айдай анық.

Ілмектер: жақсы, сөз

---

---

Орынды сөз - мың жылдық,
Орынсыз сөз - мылжыңдық.

Ілмектер: сөз

---

---

Жақсы сөз жан сүйіндірер,
Жаман сөз жан күйіндірер.

Ілмектер: сөз

---

---

Жақсыға айтқан тура сөз —
Жасақ тіккен тумен тең.
Жаманға айтқан тура сөз —
Құмға төккен сумен тең.

Ілмектер: жақсы, жаман, сөз

---

---

Жанған от — тәнді жылытады.
Жақсы сөз — жанды жылытады.

Ілмектер: сөз

---

---

Білгеніңді сөйлеме,
Не сөйлегеніңді біл.

Ілмектер: тіл, сөз

---

---

Ағайынға менменсу —
Ағат емей немене!?
Ақылдылар айтқан сөз —
Сағат емей немене?!

Ілмектер: сөз, ақыл

---

---

Ақылдының сөзі қысқа,
Айта қалса, нұсқа.

Ілмектер: ақыл, сөз

---

---

Ақымаққа айтқан сөз
Далаға атқан оқпен тең.

Ілмектер: сөз, ақымақ, ақыл

---

---

Сыпайы сызып айтады,
Шешен қызып айтады.
Шорқақ үзіп айтады,
Жаман бұзып айтады.

Ілмектер: сөз

---

---

Ақылдыға сөз айтсаң
Аз ойланып біледі.
Ақылсызға сөз айтсаң
Тыңдайды да, күледі.

Ілмектер: ақыл, сөз

---

---

Ер жігіттің өлгені —
Ессіз болса алғаны.
Әділ бидің өлгені —
Сөзінің болса жалғаны.

Ілмектер: жігіт, сөз, ақыл

---

---

Естінің сөзі —
Ескінің көзі.

Ілмектер: сөз

---

---

Көп сөйлеген білімді емес,
Дөп сөйлеген білімді.

Ілмектер: сөз, білім

---

---