Тәуелсiздiктiң тар жол, тайғақ кешуiнен, беттен қағар желiнiң есуiнен тайсалмауға тиiспiз.

Ілмектер: тәуелсіздік Нұрсұлтан Назарбаев

---

---

Қазақстанның Тәуелсiздiгiнiң болашағы үшiн, өсiп-өркендеуі үшiн, нығаюы үшiн қазақтың – өзiмiздiң ұлттың бiрлiгi керек.

Ілмектер: тәуелсіздік, ұлт, бірлік Нұрсұлтан Назарбаев

---

---

Тәуелсiздiктiң алғашқы жемiстерiн көргенге дейiн Қазақстанға мемлекеттiк өзiн танытудың тар жол, тайғақ кешуiнен өтуге тура келдi.

Ілмектер: тәуелсіздік, Қазақстан Нұрсұлтан Назарбаев

---

---

Тәуелсiздiк – тарихтың мәңгiге бөлiп берген еншiсi емес, халықтардың мамыражай өмiр сүруiне берiлген кепiлдiк те емес: аңғал болмағанымыз абзал.

Ілмектер: тәуелсіздік, енші Нұрсұлтан Назарбаев

---

---

Бiз тәуелсiздiктi ақылмен, ата-баба жолымен алдық деп ойлаймын.

Ілмектер: тәуелсіздік, ақыл, ата-баба Нұрсұлтан Назарбаев

---

---

Дүние жаһандық, өзара тәуелдiлiк сипат алды: жаһандық әрiптестiк үстемдiк ету үшiн бұл таным бiздiң берiк принципiмiзге айналуы тиiс.

Ілмектер: тәуелсіздік, жаһан Нұрсұлтан Назарбаев

---

---

Тәуелсiздiктiң кезектi жылдығын атап өту бiзге ең алдымен той тойлау үшiн емес, ой ойлау үшiн керек. Тәуелсiздiктiң тайғақ кешулi жолында алдымыздан шығатын асу-асу белдер де болады. Ұлттың ұлан асуында ұйытқи соғатын желдер де болады. Сол асу-асу белдерде белiмiздi талдырмауымыз керек. Сол ұйытқи соғатын желдерде ұлы мұраттарымызды ұмыт қалдырмауымыз керек. Нағыз Тәуелсiздiкке қиын iсте тәуекелге бара алатындардың ғана қолы жетедi.

Ілмектер: тәуелсіздік, тәуекел Нұрсұлтан Назарбаев

---

---

Халқымызды пиғылы бұзықтардың қанды құрсауынан құтқару үшiн қаншама бабаларымыздың осы Тәуелсiздiк үшiн қаны төгiлдi. Ендi, мiне, олардың арманы орындалды. Тәуелсiздiк алу бiр басқа да, оны нығайту оңайға түскен жоқ. Экономиканы нықтау, шекараны бекемдеу және халықтың әл-ауқатын көтеру сияқты күрделi мiндеттер алдымызда тұрды. Осының бәрiн жақсыға шешу қолымыздан келдi.

Ілмектер: тәуелсіздік, экономика, халық Нұрсұлтан Назарбаев

---

---

«Тәуелді» деген ұғымды тудырған күштілер мен обырлар.

Ілмектер: тәуелсіздік Шерхан Мұртаза

---

---

Дана халқымыз қателiктерiмiздi түсiнедi, оларды кешiре де бiледi. Халық кешiрмейтiн бiр-ақ нәрсе бар, ол – елдiң қолына зарықтырып барып қонған Бақыт құсынан, Тәуелсiздiктен айрылып қалуды кешiрмейдi. Егер бiз Тәуелсiздiктен айрылсақ, бiзге кешiрiм жоқ.

Ілмектер: тәуелсіздік, бақыт, халық Нұрсұлтан Назарбаев

---

---

Бiз ата-бабаларымыздың аңсар-арманына қол жеткiзiп, мыңжылдықтың түйiскен тоғысында тәуелсiз мемлекет құрдық.

Ілмектер: тәуелсіздік, тәуелсіз, ата-баба, мемлекет Нұрсұлтан Назарбаев

---

---

Тәуелсiз Қазақстанның ең алғашқы күндерiнен бастап мен принциптi түрде адамдарды партократтар мен партократ еместерге, коммунистер мен коммунист еместерге бөлген жоқпын. Мен өзiм де сол жақтан шыққанмын, демек, мен мұны ешкiмге айып етiп қоя алмаймын.

Ілмектер: тәуелсіздік Нұрсұлтан Назарбаев

---

---

Тәуелсiздiктiң бiздiң бәрiмiзге артар мiндетi мол. Ендi еңселi ел болудың жолына шындап түсуiмiз керек. Әулетiмiздiң асуы да, дәулетiмiздiң тасуы да өз қолымызда. Тарих көшi ұзақ. Асықсақ та аптықпайық. Қазақстанның көп ұлтты халқының жұлдызы жоғары болатынына, туған елiмiзде дәулеттi де сәулеттi өмiр орнайтынына кәмiл сенемiн.

Ілмектер: тәуелсіздік, тарих, ел, халық, Қазақстан Нұрсұлтан Назарбаев

---

---

Өз Тәуелсiздiгiн алған соң Қазақстан Республикасы дәл осы Пирамиданың жақтарындай болып дүниенiң төрт бұрышына бiрдей айқара есiк ашты. Адамзаттың бәрiн ұлтына, дiнiне, нәсiлiне қарамай теңдей көрiп, ыстық құшағына алды.

Ілмектер: тәуелсіздік, Қазақстан Нұрсұлтан Назарбаев

---

---

Тәуекелi тұратындардың ғана қолы жетпесе Тәуелсiздiк бола ма? Азаппен, арпалыспен келмесе Азаттық бола ма? Оңайлықпен келсе оның қадiрi бола ма? Қадiрi жоқ нәрсе қолда ұзақ тұра ма?

Ілмектер: тәуелсіздік, тәуекел, азаттық, қадір Нұрсұлтан Назарбаев

---

---

Бiз Тәуелсiздiктi ұлтты сақтау мен өркендетудiң түп негiзi ретiнде, аса ұлы құндылық ретiнде қарастырамыз. Ол мемлекеттiлiктi қалпына келтiрудiң, дербес дамуға деген қабiлеттi дәлелдеудiң және өткен кезеңдерде қордаланған проблемаларды еңсерудiң тарихи мүмкiндiгiн бердi.

Ілмектер: тәуелсіздік, құндылық, мемлекет, тарих Нұрсұлтан Назарбаев

---

---

Бiздiң айқын да сындарлы iс-қимыл стратегиямыздың, ниеттестер командасының ынтымақшыл жұмысының, бiздiң отандастарымыздың жанқиярлық еңбегi мен толайым қолдауының нәтижесiнде Қазақстан мемлекеттiлiгi толық орнықты!

Ілмектер: тәуелсіздік, стратегия, мемлекет Нұрсұлтан Назарбаев

---

---

Тәуелсiздiк бiзге ең жанды мәселелердi шешуге – Семей ядролық сынақ полигонын жабуға, жан-жақты экономикалық реформаларды жүргiзуге, экономикадағы терең құрылымдық сәйкессiздiктi жоюға, елдiң табиғи ресурстарын халық игiлiгiне жұмыс iстеуге мүмкiндiк туғызды. Тәуелсiздiк дәстүрлi мәдени құндылықтардың ыдырауын тоқтатуға, қазақ тiлiн өркендетуге көмектестi.

Ілмектер: тәуелсіздік, полигон, экономика, қазақ тілі Нұрсұлтан Назарбаев

---

---

Дүниеде тәуелсiз Қазақ елi бар;
Әлемде егемен Қазақстан бар;
Оның көпұлтты, тату, ынтымақшыл халқы бар;
Қуатты экономикасы, сенiмдi саяси жүйесi бар;
Ең бастысы – бүгiннен нұрлы, бүгiннен кемел болашағы бар;
Сол күнге берiк сенiмi бар!

Ілмектер: тәуелсіздік, Қазақ елі, халық Нұрсұлтан Назарбаев

---

---

Шынын айту керек, азаттық жолы – кедiр-бұдыр, Тәуелсiздiк соқпағы – соқтықпалы. Қиындық көп. Алынар асулар да ауыр. Ынтымағымызды ыдыратпай, бiрлiгiмiздi божыратпай жұмыла бiрiксек, ауыр жүгiмiздiң жеңiлдерi анық.
Бұл сөздерiмдi мен ең әуелi өз халқыма – қазақтарға, қала бердi күллi қазақстандықтарға арнап отырмын.
Мен елге сенемiн. Елiм де маған сенедi деп ойлаймын… Өйткенi сөзiмiз – адал, iсiмiз – ақ.

Ілмектер: тәуелсіздік, ынтымақ, ел, азаттық Нұрсұлтан Назарбаев

---

---