Балалық шақта бақыт алдымыздан күтіп тұрғандай көрінетін, қартайғанда оның тек өтіп кеткендігін сезінумен ғана шектеледі екенбіз.

Ілмектер: балалық шақ, бақыт, қарттық Марк Твен

---

---

Жастығым өтті деп не керек уайым ғып,
Жігіттік дегенің – қартыққа дайындық.
Жылама, о, досым, жігіттік тәмәм деп,
Жыла сен қарттыққа дайындық жаман деп!

Ілмектер: жігіт, қарттық, жастық Қадыр Мырза Әли

---

---

Қартаю зерігерлі, бірақ ол ұзақ өмір сүрудің жалғыз жолы.

Ілмектер: қарттық, қартаю, өмір Бернард Шоу

---

---

Жас адам қартаяды, жаңа нәрсе ескіреді.

Ілмектер: адам, қарттық, жастық, өмір Иүгінеки Ахмед

---

---

Заман қартайтқанға - бояу айыпты емес.

Ілмектер: заман, қарттық Махмұд Қашқари

---

---

Жасында тырысқан - қартайғанда қуанады.

Ілмектер: жастық шақ, қарттық Махмұд Қашқари

---

---

Менің өмірден байқағаным қарттық пен сақтық қатар келеді екен.

Ілмектер: қарттық, сақтық, қарт Роберт Де Ниро

---

---

Қарт жақсы жас жақсысын күндемеген.

Ілмектер: қарт, қарттық, жас, күндеу, өмір Шал Құлекеұлы

---

---

Дәурені озса — жасы жеткені болар, қамқа тозса — күтімі кеткені болар.

Ілмектер: дәурен, қарттық, жастық, күтім Сырым Датұлы

---

---

Адам әуелі бастан қартаяды.

Ілмектер: адам, қартаю, қарттық, бас Шал Құлекеұлы

---

---

Ақиық қыран қартайса,
Жас жағалтайдан тепкі жейді.

Ілмектер: қарттық, қартаю, жас, жастық шақ Майқы би

---

---

Біздің балалар - біздің қарттығымыз. Жаман тәрбие - болашақтағы қайғымыз, бұл - біздің көз жасымыз, бұл - басқалар алдындағы, бүкіл еліміз алдындағы біздің кінәмыз.

Ілмектер: бала, тәрбие, қарттық, болашақ, қайғы, ел, кінә Антон Макаренко

---

---

Адам жиырма жасындағы көзқараспен елу жаста да қараса, онда ол өз өмірінің отыз жылын жоғалтыпты.

Ілмектер: өмір, көзқарас, жастық, қарттық, адам Мұхаммед Әли

---

---

Он бес жас — құйын қуған желмен тең, жиырма жас — дауыл ұрған көлмен тең, отыз бес — ағып жатқан селмен тең, қырық бес — аю аспас белмен тең, жетпіс бесте - өр көңілің жермен тең. Сексенде — селкілдеген шал боларсың, тоқсанда — сексенге де зар боларсың, жүзге келсең — дүние қызығынан күдеріңді үз: өлмей тірі жүргенге мәз боларсың.

Ілмектер: жас, жастық шақ, кәрілік, қарттық, өмір, қызық Жиренше шешен

---

---

Әйелдің қартаюы – өмірлік трагедия.

Ілмектер: әйел, қарттық, нақыл, афоризм Агата Кристи

---

---

Жаңа нәрселер үйреніп жүргенде қарттықтың азабынан қорықпай-ақ қоюға болады.

Ілмектер: қарттық, нақыл, афоризм Харуки Мураками

---

---

Адамның үш шынайы жасы болады: жастық шақ, кемелдену кезеңі және «сайтан алғыр, қалай ғана қартайып кеттім?»

Ілмектер: жас, қарттық, нақыл, афоризм Стивен Кинг

---

---

Жетпіс деген жел екен.

Ілмектер: қарттық, жетпіс, нақыл, афоризм, қанатты сөздер Бұқар жырау

---

---

Жетпіс бес жасқа келгенде,
Жылуы болмас қойныңның,
Қаруы болмас сойылдың –
Өлмесең де жойылдың.

Ілмектер: қарттық, нақыл, афоризм, кәрілік, жетпіс бес, жас Бұқар жырау

---

---

Сексен бес жасқа келгенде,
Екі қара көзді алар,
Ауыздағы сөзді алар,
Бойыңдағы әлді алар,
Бетіңдегі нұрды алар,
Етіңдегі шырды алар,
Аузыңдағы тісті алар,
Қолыңдағы істі алар –
Өлмегенде нең қалар?!

Ілмектер: қарттық, сексен, сексен бес, жас, нақыл, афоризм, қанатты сөздер Бұқар жырау

---

---