Өлеңдер - Bilim

Danagulaman

Ізгі жолда ерен еңбек атқарған,
Үйретумен өмірдің ақ-қарасын.
Шәкіртке ойын сабырлықпен ақтарған,
Таппаймыз біз ұстаздың бақталасын.

Ақтөбемнің қойнауы қазынаға бай,
Көп көрмесін бірақта мұны Құдай.
Табаныммен жеріңді басып жүріп,
Өзіңе арнамаймын жырды қалай.

Арналды қалам саған жазба өлеңім,
Сұлулықпен сен мені нәз бөледің.
Мен түгілі Күн сәулесі ғашық болар,
Нұрын шашар ғажабына Ақтөбенің.

Әлемде бір жан бар, ана дейтін,
Сірә,ешкім жамыла алмас ана кейпін.
Бізді сіздей ешкім сүйе алмайды,
Ана ғана,алаңдап баласының қамын жейтін.