Жол сұраған кісі адаспайды,
Жөн сұраған кісі жаңылыспайды.

Ілмектер: жол

---

---

Алыс сапар,
Алғашқы адымнан басталады.

Ілмектер: сапар, жол

---

---

Жолаушының ақысы — жүрсе өнеді.

Ілмектер: жолаушы

---

---

Жүрместен бұрын,
Жолыңды байқа,
Киместен бұрын,
Тоныңды байқа.

Ілмектер: жол

---

---

Жортуылшының басы жолда қалады.

Ілмектер: жол

---

---

Жолдасың жақсы болса
Жолым ұзын деме,
Жолдасың жаман болса,
Қолым ұзын деме.

Ілмектер: жолдас, жол

---

---

Қасқыр ішік киген
Қасындағы жолдасының
Тоңғанын білмес.

Ілмектер: жолдас

---

---

Көзі соқырға жолдас болсаң да,
Көңілі соқырға жолдас болма.

Ілмектер: көңіл, жолдас

---

---

Алыс жүрсең де, жолмен жүр.

Ілмектер: жол

---

---

Жалғыз жүрсең, жолмен жүр,
Жолдан жолдас қосылар.
Жолдан жолдас қосылса,
Жолың болмас несі бар?!

Ілмектер: жол, жолдас

---

---

Жол жаман болса,
Атаң да сүрінеді,
Атан да сүрінеді.

Ілмектер: жол, жаман

---

---

Жолы болар жігіттің
Желі оңынан тұрады.

Ілмектер: жол, жігіт

---

---

Жолдасыжоқ жігіттің —
Олжасы жоқ.

Ілмектер: жолдас, жігіт

---

---

Жолдасын таппаған ер азады,
Қордасын таппаған жер азады.

Ілмектер: жолдас

---

---

Жақынға жаны ашымағанның
Бір беті қара,
Жолдасына жаны ашымағанның
Екі беті қара.

Ілмектер: жолдас, дос

---

---

Желді қуған жоғалар,
Жолды қуған оңалар.

Ілмектер: жол

---

---

Жолың болмайын десе
Алдыңнан өр кездеседі.
Атың құлап,
Арылмас сор кездеседі.

Ілмектер: жол

---

---

Баламен жолдас болсаң,
Бала боларсың,
Қариямен жолдас болсаң,
Дана боларсың.

Ілмектер: жолдас, қария, бала

---

---

Жолда жатқан жантақты алып таста,
Жолаушыға кірмесін сенен басқа.

Ілмектер: жолаушы

---

---

Жалған жолдас — көзіңе мақтар,
Сырт айналып, сойылын баптар.

Ілмектер: жолдас, дос

---

---