Напалм деген не?

Напалм — тұтанғыш-отатқыш қоспа ретінде қолданылатын жаңғыш зат. Напалм біршама тұтқыр және әр түрлі заттың бетіне жақсы жабысады. Тұтанғыш қоспаның негізі бензиннен, керосиннен және басқа да мұнай өнімдерінен тұрады. Өздігінен жанбайды, бірақ тұтатқыштың көмегімен тез оталады. Напалымдық қару жарылған кезде жалын температурасы 800-1 200°С дейін көтеріледі. Напалм қою тұншықтырғыш тутін шығарып, баяу жанады, теріге тисе ұзақ жазылмайтын жара пайда болады. Напалм жанған кезде адамдарды тұншықтырғыш газбен улайды.

Напалм негізінен авиациялық тұтандырғыш бомбаларда, әр тұрлі конструкциялы от атқыштарда және атылғыш фугастарда қолданылады. Напалмды қарудың әсерінен қорғану шаралары: адамдарды ауа өткізбейтін қорғану ғимараттарына орналастыру, тері және тыныс мушелерін жеке қорғау құралдарын (гопкалит патронцы противогаздарды) пайдалну.

Әлеуметтік желілерде бөлісіңіз: