Руы байбақты Науша батыр деген кісі өткен

Өзі садақты атқыш мерген болады. Науша батыр кедей, бірақ қару-жараққа бай болған.

Бірде Науша батыр ел аралап, бір топ жолдастарымен Айтқожа деген ханға барады. Айтқожа елінде болмай шығады. Науша батыр жолдастарымен Айтқожа барған жерге келеді. Келсе Айтқожа ханның барған жерінде той болып жатыр екен. Той болып жатқан ауылдың адамдары Наушаның келгенін естіп: «Түбегейлінің Науша деген батыры келіпті» деп шуласады. «Оған бөлек үй тігеміз бе?» — деп ақылдасады. Сөйтіп, халықтың ақылы бойынша Науша батыр Айтқожа хан отырған ордаға кіреді.

Науша батыр алдымен әдеп сақтап, қару-жарағын оң жаққа қойып, жолдастарын сыртқа қалдырып, өзі Айтқожа ханға қазақтың салты бойынша сәлем береді. Айтқожа Наушаны менсінбеген сыңай танытып, сәлемін қабылдамайды. Бірақ Наушаның жауына бетін қаратпайтын өжет батыр екенін ол білмейді.

Оқуға кеңес береміз:

Науша батыр туралы

Сырымның Нұралы ханды шабуы (ІІ нұсқа)

Баймағамбет сұлтан мен Сырым батыр