Дельфин — табиғаттағы ғажап жануар

    Дельфиндер — сүтқоректілер класына жататын киттәрізділердің бір тобы. Олар балықтар сияқты су астында желбезекпен дем алмайды, ауамен тыныстайды, тірі төл табады және төлін сүтпен қоректендіреді. Дельфиндер — өте ақылды жануарлар. Зерттеулерге сүйенсек, олар өзін айнадан танып, өзіндік «мен» түсінігіне ие. Олар күрделі әлеуметтік құрылыммен өмір сүреді: топпен жүреді және бір-бірімен түрлі дыбыстар — «шақыру», «сигнал», «сұхбат» тәрізді дыбыстар арқылы байланысады.

Дельфиндер арасында көмектесу қасиеті де байқалады: жарақаттанған немесе әлсіреген мүшелерін қорғап, жанынан табылады. Олардың денесі ағын сумен тез жүзуге өте қолайлы: денесі жұмыр, тікенектері жоқ, ал бүйір (қаптал) қанаттарында пернелерге ұқсас сүйек құрылымы бар. Дельфиндер өте жылдам жүзе алады — кей түрлері қысқа қашықтықта жоғары жылдамдыққа жетеді. Құйрық қанаты оларды судың ішінде алға қарай қатты итеріп, шапшаң қимыл жасауға мүмкіндік береді.

Дельфиндер негізінен балық, кальмар және басқа теңіз жәндіктерімен қоректенеді. Тамақты шайнамайды — аузына алып, тұтас жұтады. Әлемде дельфиндердің 30-дан астам түрі бар деп есептеледі, кей деректерде 40-тан асады. Олар тек теңізде ғана емес, өзендер мен тұщы суларда өмір сүретін түрлерге де бөлінеді.

Неге дельфиндер ерекше?

Дельфиндер — өте әлеуметтік және эмоциясы бар тіршілік иелері. Олар бір-біріне көмектеседі, бірге аң аулайды, тіпті жоғалған немесе жарақаттанған мүшелерін қорғайды.

Біз дельфиндерден не үйрене аламыз?

Дельфиндердің бір-біріне деген қамқорлығы, топпен өмір сүруі, әлеуметтік байланыстары — адамдарға достық, қолдау және ынтымақтастықтың маңызын көрсетеді.

«Journiverse» білім беру орталығының оқушысы: Аман Динара