Кітап оқу — сана тазалығы

    Кітап оқу — тек ақпарат алу ғана емес, ол саған жасалған рухани және ойға саяхат. Кітап адамзаттың білімін, тәжірибесін және рухани мұрасын сақтайтын негізгі құрал. Ол жазбаша мәтіндер арқылы ұрпақтан-ұрпаққа білім мен тәрбиені жеткізеді. Кітап оқыған адам дүниетанымын кеңейтеді, ой-өрісін дамытады және тіл байлығын арттырады.

Кітаптардың түрлері көп: көркем әдебиет, ғылыми әдебиет, оқулықтар, анықтамалықтар, балаларға арналған кітаптар және тағы басқа жанрлар бар. Көркем әдебиет адам қиялын, шығармашылық ойлауын дамытса, ғылыми және оқу әдебиеті нақты білім береді. Қазіргі уақытта кітап тек қағаз түрінде ғана емес, электронды форматта (e-кітап) және аудио түрде де қолжетімді.

Қазақстандағы оқу мәдениеті туралы
— 2024–2025 жылдары еліміздегі қоғамдық кітапханаларға 50 миллионнан астам адам келгені туралы деректер бар, бұл кітапқа қызығушылықтың жоғары екенін көрсетеді.
— Қазақстанда көптеген адамдар кітап оқу мәдениетін хобби ретінде таңдаған, алайда орташа оқу деңгейі әлі де төмен деуге болады.
— Жастар арасында кітап оқу белсенділігі салыстырмалы түрде жоғары.

Сонымен қатар халықаралық және ұлттық жобалар оқу мәдениетін, білім алуды насихаттау мақсатында кеңейіп келеді. Кітап оқу — пайдалы әдет. Кітап оқу есте сақтау қабілетін жақсартады, ойлау жүйесін дамытады және адамның эмоционалды тұрақтылығын, сабырлы болуын тәрбиелейді. Сондықтан кітап — тек білімнің қайнар көзі ғана емес, рухани байлықтың негізі болып табылады.

«Journiverse» білім беру орталығының оқушысы: Есілбаева Жанель