Алматы технологиялық университеті ғылыми кітапханасы – заманауи білім орталығы

Кіріспе

Қазіргі білім беру жүйесінде ақпарат пен қолжетімділік маңызды рөл атқарады. Осы тұрғыда Алматы технологиялық университеті ғылыми кітапханасы студенттер мен оқытушыларға сапалы білім алуға барлық жағдай жасайды. Кітапхана – тек кітап сақтайтын орын ғана емес, ол оқу, зерттеу және өзін-өзі дамыту орталығы болып табылады.

Кітапхананың жалпы мүмкіндіктері

Бүгінде кітапхана қоры 940 000-нан астам басылымды құрайды. Оның ішінде:

• оқу және ғылыми әдебиеттер
   
• анықтамалық және көркем кітаптар
   
• мерзімді басылымдар

Жыл сайын кітап қоры шамамен 10 000 жаңа кітаппен толықтырылып отырады. Кітапхана 8000-нан астам оқырманға қызмет көрсетеді.

Электронды ресурстар және заманауи технологиялар

АТУ кітапханасы цифрлық бағытта да белсенді дамып келеді. Студенттер халықаралық және отандық дерекқорларды пайдалана алады:

• EBSCO
• ZNANIUM
• ЛАНЬ
• IPR SMART
• Wiley
• Жалпы электронды база 240 000-нан астам құжатты қамтиды. Бұл студенттердің ғылыми ізденісін жеңілдетеді.

Кітапхана құрылымы

302 кабинет – Электронды ресурстар орталығы.

Заманауи компьютерлермен жабдықталған. Мұнда студенттер электронды ресурстармен жұмыс істеп, ғылыми іс-шараларға қатыса алады.

304 кабинет – Оқу залы.

Кең әрі тыныш оқу аймағы. Ғылыми, бейіндік және көркем әдебиеттердің бай қоры бар.

305 кабинет – Анықтамалық-библиографиялық бөлім.

Бұл бөлімде студенттерге әдебиеттерді іздеу, талдау бойынша көмек көрсетіледі, жеке консультациялар беріледі.

306 кабинет – Оқу аймақтары.

Студенттердің өз бетінше дайындалуына арналған қосымша кеңістік.

Кітапханадағы ғылыми іс-шаралар

2026 жылдың 12 қаңтарында ғылыми кітапханада дәстүрлі «Ғылыми кітапханадағы кафедра күндері» жобасы аясында жетінші іс-шара өтті. Бұл жолғы шара «Бухгалтерлік есеп және қаржы» кафедрасына арналды.

Іс-шара барысында:

• кітап қорын жаңарту мәселелері қарастырылды
   
• оқу-әдістемелік әдебиеттерді басып шығару жоспарлары талқыланды
   

ерекше назарды қажет ететін пәндер анықталды

Сонымен қатар мұндай кездесулер оқытушылар мен кітапхана арасындағы байланысты нығайтып, оқу процесінің сапасын арттыруға ықпал етеді.

Алматы технологиялық университеті ғылыми кітапханасы – студенттердің сапалы білім алуына жағдай жасайтын маңызды орталық. Заманауи технологиялар, бай кітап қоры және тұрақты түрде өткізілетін ғылыми іс-шаралар арқылы кітапхана білім сапасын арттыруда үлкен рөл атқарады.

Мақала авторлары:

Оразхан Шұғыла,

Нурланова Жансая,

Шаркабаева Ақбота

Муратова Айдана

Жетекші:”Мемлекет және шет тілдер” кафедрасының сеньор-лекторы Абдуллаева Айнұр Аскаровна.

 

 

 

---

---