Алтын күз

Солтүстік Қазақстан облысы
Ақжар ауданы
Киев орта мектебі
4 сынып оқушысы: Тұрғанбек Қуаныш Сарымұлы 
Сынып жетекшісі: Хасанова Гульмира Кайратовна                                                          

Сұр бұлт, түсі суық, қаптайды аспан,

Күз болып  дымқыл тұман жерді басқан.

- деп Абай атамыз айтқандай, міне, күз де келіп жетті. Жапырақтар сарғайып, жерге түсіп жатыр. Күз мезгілі «алтын күз» деп айтылатын себебі, айналаның бәрі сары түске айналады.

Жыл, төрт мезгілден тұрады. Әр мезгіл өз сұлулығымен ерекшеленеді. Ал мен үшін орны бөлек – күз мезгілі. Өйткені күз молшылықтың, байлықтың кезі болып саналады. Осы уақытта барлық адамдар қысқа дайындық жасауда. Ал мен болсам, анама үйдің жаңындағы бақшадан көкөністерді, алма ағаштан алмаларды теріп себеттерге жинауға көмектесемін. Жемістерді қыста сағына жейміз, сонымен қоса олар біздің денсаулыққа өте пайдалы. Тағы күз маусымының бір ерекшелігі, жерге сары кілем төсеп қойғандай жұмсақ, дымқыл тұман жерді басқандай. Аспан бұлттанып, ауа-райы бұзылып, жиі-жиі жаңбырлар жауады. Күн сирек көрініп, аз жылтады. Құстар да жылы жаққа қайтып оралады. Әдеттегідей, біздің мектепте «Алтын күз» атты мерекесі өтеді. Бұл сайысқа қатысып, мен бас жүлдеге ие болдым. Осы күні көтеріңкі көңіл-күйімді жақындарымен бөлістім.

Менің ойымша, күз мезгілі әр адамға байлығы мен берекесін әкеледі және де баршамызға тамаша әсер етеді.

Әлеуметтік желілерде бөлісіңіз: