Сағадиев мектеп тарихында ата-аналардың ең үлкен жиналысын өткізуді жоспарлап отыр

ҚР Білім және ғылым министрі Ерлан Сағадиевтің айтуынша, ондай шара көктемде ұйымдастырылатын болады.

«Бұған дейін біз ата-аналарды жұмыстан ерте жіберу мәселесін көтерген едік. Себебі балалар тәрбиесіндегі ата-аналардың рөлі төмендеп кеткен. Бүгінде мемлекеттік қызметшілердің ішінен ата-аналар жиналыстарына көп адам қатысып жүрген жоқ. Біздің есебімізге сәйкес, ата-аналардың 40 пайызы 11 сыныпқа дейін мектеп жиналыстарына бірде-бір рет қатыспаған. Қазіргі кезде директорлар жағдайдың сәл-пәл өзгергені жайында айтып отыр. Дегенмен, ағымдағы жылы көктемде біз «Ата-аналар сағаты» атты ұлттық күнді өткізуді жоспарлап отырмыз. Сол кезде барлық мемлекеттік органдардан, ұлттық компаниялар мен жеке меншік фирмалардан ата-аналарды ертерек босатуды сұрайтын боламыз», - деді Сағадиев Үкіметтің бүгінгі отырысында.

Әлеуметтік желілерде бөлісіңіз: