Өлең, жыр, ақындар

Қаныш үйінде

  • 22.05.2019
  • 0
  • 0
  • 1308
— Ассалаумағалайкүм!
— Әлей, достар!
Жамырап қайдан жүрсің,
кілең қошқар?
Қанекен жымиғандай болды бізге,
Сағынып бағзы күнін әзіл қостар.
Ашылып кең маңдайы одан сайын,
Сұрасып саулық жайын, өлең жайын,
Көзінің шуағымен шомылдырып,
Дегендей еріндері: «Айналайын!»
Мол жеткен жан-жағына жақсылығы,
Болмаған мейірімде тапшылығы,
Кісі ғой — рахаттың сарайындай,
Есігі әрқашан да ашылулы.
Кеткен соң сәлемші жұрт, қонақ толып
Қозғалып орынынан тұрмақ болып,
Секілді қам жасамақ ойында бар,
Жап-жаңа Жезқазғанды жырлап болып.
Уа, көңіл, қиял жүйрік жұмсап қана,
Әкелдің оны бізге бір сәт қана,
Алдымда ақ мәрмәрдан мүсіні тұр
Жымиып баяғыдай жұмсақ қана.
Тұғыры кіл асыл тас өзі тапқан,
Қойнында туған жердің тұнып жатқан.
Көтерген ел асылын жер асылы,
Не мықты мынау биік махаббаттан!



Пікірлер (0)

Пікір қалдырыңыз

Совхоз «Темір»

  • 0
  • 0

Хан Темірдің орнында совхоз «Темір»,
Бұл кездейсоқ нәрсе емес - бұл екі өмір.
Қан төгілген алапта мақта өсірген
Заманыңның сырына үңіле біл!

Толық

Қазақстан

  • 0
  • 0

Өзгеріп құлазыған дала заңы,
Уақыттың намазшамы, таң азаны,
Мың отты жанарымен түнді күн ғып
Қарайды қырларыңнан қала ажары.

Толық

Түркістан — Гүлстан

  • 0
  • 0

Бір гүл келіп көкірегіме орнаса,
Бір гүл келіп галстугін байласа,
Бір гүл келіп мойыныма асылып,
Самал болып, шашым сипап ойнаса,

Толық