Өлең, жыр, ақындар

Бір сәт

  • 25.05.2019
  • 0
  • 0
  • 2000
Тағы бір таң,
Талай болды атқалы,
Аспан дарқан
Күн табағын тартқалы,
Жаңа ғана
Сыр сырласып, жұптасып,
Екі ғашық
Жолға келе жатқаны.
Шықты жылан
Бір тасадан жолға кеп,
Көзінде қан,
Тілінде зәр, бойда кек.
Атқан таңға,
Ғашық жанға ызалы,
«Қас жақсылық,
Жолығарсың қайда?» — деп.
Келді бір сәт,
Осынау сәт кімдікі?
Яки жастар,
Яки сонау сұмдікі?
Таласқаны тіршіліктің бір сәті,
Таласқаны тіршіліктің бір кілті.
Кенет гүріл, шықты дыбыс ар жақта,
Бір машина қарамастан алды-артқа
Өте шықты, қасіреттің қамшысы —
Ұшты жылан, түсті барып аулаққа.
Өтті жастар,
Төңірегін күлдіріп,
Ойында жоқ еш жамандық,
Бір күдік...
Мен ойландым
Шіркін бір сәт жақсылық
Ылғи солай жүрсең-ау деп
Үлгіріп.



Пікірлер (0)

Пікір қалдырыңыз

Жарқырап, айналайын, жатыр Волга

  • 0
  • 0

Кейде тау, кейде орман, тақыр жонға,
Жағалай үлестіріп тарту - олжа.
Базарлы анадай бір жомарт көңіл
Жарқырап, айналайын, жатыр Волга.

Толық

Алатау аясында

  • 0
  • 0

Екен-ау жер әсемі Медеу, Медет!
Шыққанда шоқтығына күн дөңгелеп,
Оятып тауды таңғы ұйқысынан,
Бауырынан күй еседі бір керемет.

Толық

Ұядан ұшқандар

  • 0
  • 1

Есімде — отырғаны алты ақынның.
(Жарыққа жаңа шыққан жан тату күн).
Ортаңғы бөлмесінде ағаш үйдің,
Ең шеткі көшесінде Алматының,

Толық

Қарап көріңіз