Жан әкем

Әкешім асқар тауым,
Өзің ғой бақ-Отаным.
Қамқоршым асыл әкем,
Жан әкем өзіңмен мақтанамын.

Адалдық ұраның,
Тәрбие бұлағың.
Арқаң ғой әкешім бір сенің ,
Өткені керемет балалық шағымның.

Мың алғыс тағдырға,
Өзіңдей әкем болғанға.
Ақ көңіл, өр тұлға,
Жамандық ойламайтын еш жанға.

Сыйлысың туғанға,
Үлгісің бауырға.
Әрқашан аямас,
Көмегін қашанда.

Әкешім, жан әке,
Сен маған мәртебе.
Абыройлы, ақ жүзді бола бер,
Көрейік өмірдің бар сыйын біз бірге.

Тілерім денсаулық, бар байлық,
Мамамен әрдайым бір болып,
Тіл-көзден сақтасын құдайым,
Шөбере сүйіңдер қуанып.

---