Өлең, жыр, ақындар

Той күнгі тілек

  • 07.06.2019
  • 0
  • 0
  • 1425
Қазақы кемем, шайқала көрме, шайқалма.
Күлкі болып, тоқырау кәрі шайтанға.
Төбемізде қарғалар жүр, қарқылдап,
Ілік іздеп өсекшіге айтарға
Қазақы кемем, шайқала көрме, шайқалма
Қызыл қырғын жемдері үшін жан ұшып.
Көртышқандар діңгегіне жабысып.
Төсін тіліп сен жүзетін айдынның
Жатыр шулап, бір-бірімен алысып,
Ділмәрлары сөз сөйлейді жарысып.
Көсем сымақ аржағынан мұхиттың
Дағдарысын сезіп қиын уақыттың
Сан ұлтыңның арасына жік салып,
Сәуегейсіп жолын сілтеп табыттың,
Мәз болады, көзі сол деп бақыттың.
Қазақы кемем, адаса көрме жолыңнан.
Желтоқсанда жаратылған жалыннан,
Жеткіншегің сенің үшін жан қиып,
Желкеніңе ақ жалау боп тағылған,
Сеніп артып, үміт моншақ лағылдан.
Көтер ту қып, күндей ана тілімді,
Ардақ тұтып Тәңір берген дінімді.
Шуағына тоңған халқым жылынсын,
Есіне алып, түркі тектес үнімді,
Мұхамбеттей Алла сүйген пірімлі.
Қазақы кемем жетілерсің күні ертең,
Гүлден тәжі кигізер-ау кең өлкем.
Талай ақын арнап жазар жыр көркем.
Нағыз бақыт! Тәуелсіз тең ел болу,
Құтты болсын, халқым сүйген мерекең,
Әділдік пен бірлігіңде берекең!



Пікірлер (0)

Пікір қалдырыңыз

Ғұн патшасы Аттиланың өсиеттері

  • 0
  • 0

Ғұн ұрпағы тумысынан күрескер,
Сені күтіп алда тұр ғой ұлы істер.
Өсиетімді ақ жол тілеп айтайын,
Қабыл алсаң қашпас сенен жеңістер!

Толық

Табылды Досымов

  • 0
  • 0

Оны ұғады ақын жанын түсінген,
Жүректегі ыстық әннің күшімен.
Сүйді байтақ шексіз-шетсіз даласын,
Шығармастан әрбір қырын есінен.

Толық

Қараша ата үні

  • 0
  • 0

Қадір тұтып киелі ізгі халқын,
Бабалардың жырлаған ерлік даңқын.
Ақын ұлым кел бермен жақындашы,
Сыр шертейін өзіңе жаны жарқын.

Толық

Қарап көріңіз