Өлең, жыр, ақындар

Жігіт сөзі

  • 10.06.2019
  • 0
  • 0
  • 2193
Сүйгенім деп сүйдім сені,
Сен де "сүйдім" деп едің.
Мен күйгенде аяп мені,
"Мен де күйдім" деп едің.
Алдау екен сол сүюің,
Міне, бүгін байқадым.
Бағаламай жан күйігін,
Қайтып басты шайқадың.
Менде бар ма кінә, назың,
Айтшы маған ұқтыра?
Әлде кінә менен болып,
Бір мінезім шықты ма?
Жатты сүйіп жатырқатты,
Жалындаған жарыңды.
Ақтық сөз деп бір тіл қаттым,
Түсіндіріп зарымды.
Кей көргенде назбен қарап,
Қайнатасың қамымды.
Біржолата суындырмай,
Көп қинайсың жанымды.
Қинағаның қиын емес,
Соқа дерттен өлмеспін
Бұл достыққа сыйымды емес,
Мейлі бақыт көрмеспін.
Жас жанымның сен сөндірдің
Жайнап тұрған шырағын.
Ауыр дертке сен көндірдің,
Болмай опа тұрағың.
Хош бол, хош бол, опасыз жар,
Тірі көмген байыңды!
Сен де сергі күдігіңнен;
Мен бекіттім бойымды.

1924



Пікірлер (0)

Пікір қалдырыңыз

Сахна саңлағына

  • 0
  • 0

Өзің өскен сахараның,
Өзің ашқан сахнаның
Сандағы өрен майталман,
Сүтпен біткен өнеріңді,

Толық

Көркейгенде шөл дала

  • 0
  • 0

Көгінен төніп күн қақтап,
Бетінен сырғып жалап жел.
Қысында қызыл, жазда аптап,
Бырысып беті күйген жер.

Толық

Абай әні

  • 0
  • 0

Сазарған дала,
Ел бір жас бала,
Ертеңінен хабарсыз.
Сондай бір күнде —

Толық

Қарап көріңіз