Өлең, жыр, ақындар

Таңғы құмда із кесу-3

  • 17.06.2019
  • 0
  • 0
  • 1209
Тұрғандай таңғы әлемді құдай қозғап,
Жұлдыздар қимылдайды құлай жаздап.
Қыңсылап, ішін тартып, әбігер боп,
Құба құм кетеді ұқсап құмайға аздап.
Жарқ етіп шығасың да, Таң Жұлдызы,
Тұрасың сәл жымиып... Жылай жаздап.
Мен үшін, дем дірілің ентікке тең,
Біреуді келгендейсің, ертіп бөтен.
Қарайсың өткінші бір қимастықпен,
Мен осы қылығыңнан қорқып кетем.
Білмеймін, үрейлену оң іс пе, осы?
Айта гөр, Таң Жұлдызым, теріс деші.
Сапарың неге ғана қысқа сенің,
Аққанат азат таңның Періштесі.
Тек сенен,
Тұяқты қыр, қияқты шың,
Жатады үміт күтіп, зият құсым.
Елжірей қарап бүгін, ертең таңда,
Бір түрлі келмей қалар сияқтысың.
Жетеді сенен кейде ызың талып,
Ұқпаймыз білдіргенмен біз ынталық.
Қалардай құмға мөр боп ізің тамып,
Берердей соны маған Қызыр тауып.
Мөрің бас!
Тағы да бір қызмет қыл,
Қарап ап атар таңның жүзіне өткір,
Төсейін мәңгілікке маңдайымды,
Аққанат Азаттықтың ізі деп бұл.



Пікірлер (0)

Пікір қалдырыңыз

Қарасазда

  • 0
  • 0

"Жерімді көр!" — деген соң тағы келдім,
Сені көрген бір-екі кәріге ердім.
Сен жайында бір дерек біле ме деп,
Сәлем бердім кезіккен бәріне елдің.

Толық

Таңбалы тас

  • 0
  • 0

Қираған жақпар жыртылған мұқаба сынды,
Алдымнан көне таңбалы кітап ашылды.
Көне таңбаны шоқыған бозторғай дауысы,
Биіктен қалқып түсті де бұтаға сіңді.

Толық

Даламен сырласу

  • 0
  • 0

...Сыпсың, сыпсың, қайтсін – ай, сыйқымды алмай,
Ұйқым қанбай мен жүрмін, ұйқым қанбай.
Мен далаға асығам, сол далада
Сыпсыңдардан құтқарар сиқыр бардай ...

Толық

Қарап көріңіз

Пікірлер