Өлең, жыр, ақындар

Балықшы қыздың әні

  • 08.07.2019
  • 0
  • 0
  • 4449
Асыр сап өстім ерке көк теңізде,
Жап - жас қыз – балықшы! – деп, сөкпеңіз де!
Алыссақ асау толқын құшағында,
ерігіп жүргеміз жоқ текке біз де.
Долы жел гулесе оттай лапыл қағып,
бұлқынар асау толқын қатуланып.
Бәрі де елең емес балықшыға,
өйткені ол сескенбейтін батыр халық.
Өйткені толқында өстім жас шағымнан,
өзімді сезіп сонда асқақ ұлан.
Өйткені перзентімін табиғаттың,
жан сырын көк теңіздің жастан ұғам.
Тотықса ақша бетім – шыныққаным,
жігітім, шошып қалма, сынып сағың.
Немене көмірдей деп, қабақ түйме,
жас жаным – нәзік, ерке қылықтарым.
Сырына асау теңіз болсаң құмар,
біз кеттік, қалып қойма, барсаң, жүр, ал!
Каспийдің, кеш өкінбе әлі талай,
қызы да, балығы да тамсандырар!

1958



Пікірлер (0)

Пікір қалдырыңыз

Шекспир шындығы

  • 0
  • 0

Саған дейін, сенен кейін сан заман
тіршілікті жалғаған.
Мен өзіңе таңданам:
сезімі мен мұңы үлгі

Толық

Дүние сұлық

  • 0
  • 1

Дүние сұлық.
Тыныштық құшқан шартарап,
бір сілкіністі күткендей ғалам
ішіне демін тарта қап.

Толық

Мен көрдім тау мен сайдың жырлағанын

  • 0
  • 0

Мен көрдім тау мен сайдың жырлағанын,
бәрі де айтып жатыр құндақ әнін.
Сен жайлы сыр шерткісі келетіндей
бас изеп талдары да бұл даланың.

Толық

Қарап көріңіз