Айға сапар

Інім тұрып бір күні:
– Берші, – деді, –
Айды алып.Тамаша еді бұл түні
Аспан ашық, ай жарық.
Ракета Ай тұстан
Келе жатты айналып.
Ер қоянды Айға ұшқан
Келе жатты қайта алып.
– Батыр қоян, ер қоян,
Қорқақ емес енді ол.
Әлемге аян, елге аян,
Айға барып келді ол.
Ертең сен де ұшасың,
– Деймін:
Айды айналып.
Алтын нұрын құшасың,
Не қыласың Айды алып?
Інім білмей не дерін,
Өз қатесін түсінді.
Ракета моделін
Айға қарай ұшырды.

---