Өлең, жыр, ақындар

Құлағында ай сырғаң дір-дір етіп

  • 07.11.2021
  • 0
  • 0
  • 592
Құлағында ай сырғаң дір-дір етіп,
Қарар екен, кім саған үлбіретіп.
Жігіт болсам, бағымда сайратар ем,
Еркелетіп, ұшырып, бұбұл етіп...
Құс қауырсын сезімін дір-дір етіп,
Жүр едің сен, кетті екен кім жүдетіп?
Ай-сырғаңа шағылып аспандағы ай,
Ай жүзіңді тұрғандай түн жыр етіп.
Қара түнге ұқсап бір қара шашың,
Орманында ойлардың адасасың.
Жаулағандай шашың түн, сырғаң ай боп,
Сұлулықтың көрсетіп «тамашасын».
Сынай қарап, сыңаймен өкпелеген,
Келе жатыр көңілден көктеп өлең.
Айлы түндер құбылтып ай сырғаңды
Сиқырлы қыз, алыстап кетпе менен...



Пікірлер (0)

Пікір қалдырыңыз

Құс жолы

  • 0
  • 0

Нені алып, не береді келер күн,
Жұлдыз санап, қиялдауға шебермін.
Көрінеді аспандағы құс жолы
Түнде жазған жолындай боп өлеңнің.

Толық

Кешегі таң, кешегі күн, бәрі-бәрі кешегі

  • 0
  • 0

Кешегі таң, кешегі күн, бәрі-бәрі кешегі,
Кешке жетпей жіңішкеріп, жанған үміт өшеді.
Түні бойы дауыл ұрған теңіздегі толқындай
Сықырлайды тыншу таппай сағыныштың төсегі...

Толық

Болжайды сезіп, нені ішің

  • 0
  • 0

Болжайды сезіп, нені ішің,
Тыныс ап, кеудең кеңісін.
Құпия, жұмбақ қиындау,
Өмірім болар сен үшін.

Толық