Өлең, жыр, ақындар

Түні бойы қорқынышты түс көрем

  • 07.11.2021
  • 0
  • 0
  • 339
Түні бойы қорқынышты түс көрем,
Өксіп жылап қиналамын тістенем.
Ұмытуға тырысамын оянсам,
Күндіз күткен күйбеңі көп іспенен.
Сүйетұғын көктем күйін, құс үнін,
Сезімі бар сырттай «момын» кісімін.
Асау жүрек жүрісінен жаңылып,
Көтеріліп кете ме, қан қысымым?
Сырт көздерге жоқ сияқты түк мұңым,
(Қиналғаннан болар, түнде шықты үнім).
Таң алдында күміс табақ толған ай,
Тереземе тұрады емізіп сүт нұрын...
Бәрін әлі, ұмыттырар бар таңым,
Әр таңыма үмітімді артамын.
Жатар кезде тыныш таныс төсекке
Тартысқа кеп түсетіндей қорқамын...
Үзік-үзік ленталардай түс көрем,
Тағдырға бұл қинайтындай не істеп ем?
Ойда жоқта орнықтырып кетер кім,
Жүрегімді орынына түспеген?..



Пікірлер (0)

Пікір қалдырыңыз

Қайтіп айтам, ойымды, сезімімді

  • 0
  • 0

Қайтіп айтам, ойымды, сезімімді,
Өзім тыңдай алмасам, өз үнімді.
Қара жерді құламай басып келем,
Үмітіме сүйеу ғып төзімімді.

Толық

Абайға

  • 0
  • 0

Абайға мен қараймын, Абай – маған,
Өткір, ойлы көзбенен абайлаған.
Құлағыма келеді қоңыр үні:
«Барасың сен,— дегендей,— қалай, балам?»

Толық

Ойға батып... батпадың тек, күнәға

  • 0
  • 0

Ойға батып... батпадың тек, күнәға,
Көк аспандай көңілде кек тұра ма?
Адамдағы мейірім жер бетінен –
Бірге көшіп өзіңмен кетті ме, аға?

Толық

Қарап көріңіз