Өлең, жыр, ақындар

Мінез

  • 29.07.2019
  • 0
  • 0
  • 1431
Сендім бе екен біреуге – сенем мықтап,
Ердім бе екен біреуге – ерем мықтап.
Әсте, екі сөйлеуім мүмкін емес,
Сенімімді селт етпей өлем құптап.
Кетістім бе біреумен – оралмаймын,
Қаңтардағы бұрқасын борандаймын.
Бірде жайсаң, сылыңғыр бірде лайсаң,
Әрі-сәрі бұлыңғыр бола алмаймын.
Ұнаттым ба біреуді – қатты ұнатам,
Шат бұлағын көңілдің шапқылатам.
Ақ жарылып алдында атқан таңдай,
Күміс күйді кеудемнен атқылатам.
* * *
Белдік керек адамға,
Белдік керек,
Белді бекем буатын теңдік керек.
Егер, белдік болмаса, нетер едік?
Былқ-сылқ етіп, болбырап кетер едік.
Кеңдік керек заманға,
Кеңдік керек,
Батыл басып жүретін теңдік керек.
Егер, кеңдік болмаса, нетер едік?
Көсіле алмай, құрысып өтер едік.
Елдік керек әманда,
Елдік керек,
Ел менен ел жарасар теңдік керек.
Егер, елдік болмаса, нетер едік?
Қырқ пышақ боп қырқысып өтер едік.



Пікірлер (0)

Пікір қалдырыңыз

Жаңа күн

  • 0
  • 0

Күндей күліп қабағым,
Жарқырайды жанарым.
Әрбір келген жаңа күн
Жаңа достар табамын.

Толық

Қызық сүю

  • 0
  • 0

Жолаушылап бара жатып Қарсыбек,
Тоқтай қалды бір сұлуға қарсы кеп.
Келбетті қыз көрмеп еді бұл сынды,
Арманына жеткендей боп күрсінді:

Толық

Олақ пен салақ

  • 0
  • 0

«Ерте, ерте, ерте екен,
Ешкі жүні бөрте екен»,
Деп бастаса ағалар,
Құлақ түрер балалар.

Толық

Қарап көріңіз