Өлең, жыр, ақындар

Талғарға сәлем

  • 30.07.2019
  • 0
  • 0
  • 1252
Сәлем бердік сәнді қала Талғарға,
Абзал ана, ақсақалды шалдарға.
«Тамашаның» тарландары талайдан
Ынтық еді осындағы жандарға.
Алматының інісіндей бұл қала,
Қыста әппақ, жазда жасыл, гүл қала.
Нар түйенің өркешіндей өріліп,
Алып тұлға Талғар шыңы тұр дара.
Талғардың да толып жатыр батыры,
Табиғатын жырлаған сан ақыны.
Тыным таппас түлетсем деп Талғарды,
Алдымызда отыр, әне, әкімі.
Мұнда өнердің жанашыры Берік бар,
Берік барда ән менен жыр, желік бар.
Келіп отыр өздеріңді құттықтап,
«Тамашаның» тарландарын көріп қал.
«Тамашаның» жөні бөлек ұқсаңдар,
Жиырма жаста, бұл отауды құптаңдар.
Талмай тартып келе жатыр нар жүгін,
«Тамашаның» бас бапкері Лұқпан бар.
Өнерімен таңдандырған бар елді,
«Тамашаны» тамашалап қал енді.
Жаны жарқын, таңы алтын арайлы,
Талғарлықтар, қабылдаңдар сәлемді.



Пікірлер (0)

Пікір қалдырыңыз

Көрінгенмен кезінде ұсталығым

  • 0
  • 0

Көрінгенмен кезінде ұсталығым,
Бола аламын кідерге нұсқа бүгін?
Азды күнгі қызыққа алданумен,
Аңдамаппын өмірдің қысқалығын.

Толық

Көңіл айту

  • 0
  • 0

Бірге туған болғанмен,
Бірге жүрмек жоқ деген.
Адам қанша толғанмен,
Бар арманға жетпеген.

Толық

Сыншы мен сыпырғы

  • 0
  • 0

Отырып Сыншы моншада
Сыпырғыменен сырласты:
– Өлеңі нашар болса да,
Сынармын қалай құрдасты?

Толық

Қарап көріңіз