Өлең, жыр, ақындар

Махаббат

  • 17.06.2022
  • 0
  • 0
  • 1040
Сен дегенде –
Талай-талай адамдар –
Дүниеден баз кешiп
Безiп кеткен.
Ғұмырларын мансұқ етiп
Жаhанды
Кезiп кеткен.
Алдынан –
Тау өсiп шықса да! –
Жанталасып
Асып өткен.
Жолына –
Ақ қар, көк мұзды
Төсеп тастаса да
Басып өткен.
Құммен бiрге көшкен.
От дариясын кешкен.
Сен үшiн –
Екi елдiң
Iргесi сөгiлiп
Дауласқан.
Сен үшiн –
Мемлекеттер
Қылыш суырысып
Жауласқан.
Жолың – азап! –
Айналаң түн болған.
Сен үшiн –
Төлегендер өлiп,
Мәжнүн, Қарагөздер
Жынданған.
Сен егер –
Жақұт болсаң –
Қолға ұстауға болмайтын –
Қасиеттi жақұтсың.
Сен егер –
Бақыт болсаң –
Қасiреттi бақытсың.



Пікірлер (0)

Пікір қалдырыңыз

Ұшып келе жатқан қаздар

  • 0
  • 0

Көзiн алмай қарап қалды үзiгiп,
бар тiршiлiк,
бар табиғат қызығып, –
су-су етiп ұшып, әне келедi

Толық

Қызуын тартып әр күннiң

  • 0
  • 0

Қызуын тартып әр күннiң,
көл жатыр тұнық ойланған, –
ортасын ойып шалғынның
бетонмен төсеп қойғандай,

Толық

Затаевич

  • 0
  • 0

Қарамастан желiне де заманның,
шарлап кезiп тау мен тасын даламның
арып-ашып,
шаршап-талып шалдығып

Толық

Қарап көріңіз