Өлең, жыр, ақындар

Көгілдір жыр

  • 17.01.2022
  • 0
  • 0
  • 441
Көгілдір көктем!
Шуағыңды аямай төгіп келіп,
Тіршілікті ояттың желік беріп.
Сазды әніңмен билетіп балбұлақты,
Гүл боп тұндың далама көріктеніп.
Самалыңмен
Қытықтап балқұрақты,
Қызғалдақтың
Нарт жүзін албыраттың.
Көгілдір дүние
Батқанда көк сағымға,
Нұрын құйды
Көгімнен балбырап күн.
Нәзік гүлдің үзіліп кірпігінен,
Ақ қайыңның
Сырғанап бүршігінен,
Көгердің сен,
Тіршілік нәрін алып,
Жер-ана жүрегінің дүрсілінен.
Ізгілігім – мейірбан көздеріңнен,
Әсемдігім – көгілдір кездеріңнен.
Дархандығым – тым жомарт пейіліңнен,
Бәрін сенен алғанмын...
Бөлме өзіңнен!
Жер-дүние көгілдір кезде мүлдем,
Жүрегіме от алармын
Мен де өзіңнен.
Шабытыма көгілдір қанат бітіп,
Көгілдір жыр өремін сөздерімнен.



Пікірлер (0)

Пікір қалдырыңыз

Жолың ашық

  • 0
  • 0

Жолың ашық,
Мен саған кетпе демеймін.
Келме қайтып,
Мен саған өкпелемеймін.

Толық

Гитараға тілек

  • 0
  • 0

Бұлбұл құсым жырақтап,
Кетті менен, гитара...
Қалса өзімде тұрақтап,
Деп тілеп ем, гитара...

Толық

Жыр – шынарлары

  • 0
  • 0

Махаббатын сақтаған бойында нән,
Жойқын сезім
Әлі күн жойылмаған.
Өзі де ақын болғасын Қайырбегі

Толық

Қарап көріңіз