Өлең, жыр, ақындар

Қиянат соғыс

  • 17.06.2022
  • 0
  • 0
  • 476
Тағы да жер үстiн
Зұлмат басты.
Әлемдi
Шешуi де жоқ,
Шешiмi де жоқ –
Қап-қара! –
Жұмбақ басты.
Дүниенiң
Ұнжырғасы түсiп,
Басы кеудесiне құлап
Салбырап қалды.
Пiл сауырлы жерiмнiң
Қоң етi кесiлiп.
Қып-қызыл қан сорғалап
Жалбырап қалды.
Жердi
Бомбымен төмпештеп жатқан
Дүрсiл мен гүрсiлден
Күрсiнген тiршiлiк
Қартайып кеттi.
Тауларым
Шайқалып кеттi, –
Денесiнен тас бiткен
Қарбыздай домалап
Төгiлiп жатты.
Тал-теректер
Шаштарын жайып жiберiп –
Желмен алысып
Егiлiп жатты.
Көлдерiмнiң көздерi! –
Қорыққанынан
Аларып кеттi.
Таулардың шашы –
Торыққанынан! –
Ағарып кеттi.



Пікірлер (0)

Пікір қалдырыңыз

Адам күнi адаммен

  • 0
  • 0

Адам күнi адаммен.
Онсыз өлем,
онсыз қурап қалам мен.
бәрiн алам адамдардан,

Толық

Әбу Сәрсенбаев

  • 0
  • 0

Адамдар да бұлттар сияқты...
Бiрақ сен, Әбу аға!
Бiреулер сияқты
Бауырынан дауыл тұрғызып,

Толық

Қауіпті сезіну

  • 0
  • 0

Екiндi шақ.
Сөнген сәтi жарықтың.
Менi ой басты салмағындай табыттың.
Көрiп қалдым –

Толық

Қарап көріңіз