Өлең, жыр, ақындар

Құдайсыздар

  • 07.08.2019
  • 0
  • 0
  • 984
Ертеректе өтсе керек бір заман,
Бопты халық танымаған Тәңірін,
Қарсы тұрып, тыңдамаған әмірін.
Тентек тобыр тулар ұстап мыңдаған,
Улап-шулап, қаруланып шығыпты.
Кілең есер ығайлар мен сығайлар
Ел ішінде арандатып бүлікті,
Айқайлапты ақылсыз деп Құдайлар.
«Елді дұрыс басқармайды бірі де,
Керек енді Құдайларды үйрету.
Шығып алып жақын таудың біріне,
Қиын емес таспен атып күйрету,
Садақпен-ақ тегістейміз Олимпті!».
Олимптіктер сезіп нағыз қауіпті,
Зевске кеп жалыныпты сол таңда,
Тыйым сал деп сойқанға.
Құдайлар да бұл секілді қойқаңға
Барғандарды төбелеп,
Көрсетпекші болыпты бір керемет.
Топан су ма, әлде көктің даңғыры?
Жаудыра ма әлде тастың жаңбырын?
«Сәл кідір! –
Деді Юпитер, – Қайтпағандар райдан,
Қорықпағандар Құдайынан күшті ұғып,
Болып шығар түбі ойран».
Осы кезде ауада ерен ысқырып,
Мың-сан тастар көкке қарай атылды.
Өздерінің тастарынан ақыры
Бүлікшілер қырылды сол алаңда.
* * *
Тап осындай сенімсіздік жаман да;
Ей, Адамдар, қараңдар,
Білгішсымақ алаяқтар әманда
Өздеріңді қарсы қойып Тәңірге,
Қуып тығар қабірге,
Нажағайдың отын бұрып табанда.



Пікірлер (0)

Пікір қалдырыңыз

Достарым

  • 0
  • 0

Достық деген өмірде
Қуаныш қой көңілге,
Сағынуым тегін бе?
Менің мақтанашым

Толық

Жабайы ешкілер

  • 0
  • 0

Малшы қыста тауып ап ешкілерді жабайы,
Айтты алғысын Тәңірге, ашылып жан сарайы:
«Өте жақсы, – деді ол, – керегі жоқ қойманың,
Енді екі есе көбейеді қойларым.

Толық

Алтын аймақ

  • 0
  • 1

Ертеде бір хан бопты,
Жүрген жері лаң бопты.
Ойламаған ел қамын,
Алтынқұмар жан бопты.

Толық

Қарап көріңіз