Өлең, жыр, ақындар

Квартет

  • 08.08.2019
  • 0
  • 0
  • 2303
Есер Маймыл сормаңдай,
Есек,
Теке,
Және Аю қорбаңбай
Квартетте ойнамақ боп ойлады.
Тауып нота, қос қобыз, альт, басты да,
Жайғасты кеп дәу жөкенің астына.
Танытпақ боп таланттарын бойдағы,
Тартты шекті – әуен шыға қоймады.
«Тоқтатыңдар! – деді Маймыл нақұрыс, –
Қайдағы әуен? Дұрыс емес отырыс.
Аю, баспен альтқа қарсы орналас,
Волторнаға қарсы отырам мен-дағы.
Кереметтей күй ойналып сонда, рас,
Тау мен тастың билегенін көр-дағы».
Солай етті тап бірден,
Шықпады әуен тәтті үнмен.
«Тоқтатыңдар! – деді Есек те, – Таптым мен,
Бір қатарға отырсақ біз тізіліп,
Әуен шығар сызылып».
Көріп еді Есекке де бағына,
Шықпады әуен тағы да.
Отыруы турасында кім қалай
Бірталай
Жатқанда олар кергісіп,
Әнші Бұлбұл жақынырақ келді ұшып.
Барлығы оған жалынып: «Бізге көмек бер, – деді, –
Шешу үшін күдікті, бір сағатты бөл, – деді, –
Келмей тұр-ау Квартеттің жөндеуі,
Нота да бар, аспап та бар, көр, – деді, –
Қалай отырған жөн?» – деді.
«Болу үшін музыкант икем керек ең кемі,
Және құлақ алымды, –
Деді Бұлбұл, – достар, орындарыңды
Өзгерткенмен он жерден,
Әуен шықпас сендерден».



Пікірлер (0)

Пікір қалдырыңыз

Теңгебай мен Шөңгебай немесе қымыз хикаясы

  • 0
  • 0

Қымызым бар дәмі бал,
Кел, ішіп көр, дәмін ал.
Қуат қосқан қуатқа
Дәріге тән мәні бар.

Толық

Мүсін

  • 0
  • 0

Қайда барсам – көз алдымда бір мүсін
Қиялыма қанат беріп жүр мүсін.
Жақсылықтың жаршысындай көремін
Сыңғыраған саф күмістей күлкісін.

Толық

Айрықша белгің өзгеден

  • 0
  • 0

Айрықша белгің өзгеден –
Сиқырлы, сұлу көз-берен.
Кереметтігін суреттеп,
Жеткізу қиын сөзбенен.

Толық

Қарап көріңіз