Таң
Таң қызы күлімсіреп жүзін ашты,
Көк аспан алтын теңіз мұнар ашты,
Гүл исі бау-бақшаның әтір атып,
Аспанға сүңгіп сұлу жұлдыз қашты.
Батты да көк тұманға ұйқы тайды,
Үміттің сұлу құсы қанат жайды,
Шаттықтың шың басында гүлі ашылып,
Жоғалды қам көңілді шалған қайғы.
Таң елі қанат қақты көкке самғап,
Жарылды жауқазыннан гүлдер жайнап,
Аспаннан нұрын төге күн шыққанда,
Жаңғыртты жасыл бақты бұлбұл сайрап.
Құлпырып, қызыл, жасыл гүл жасарып,
Құлшынды жаны сергіп, ел жасанып,
Самалы жаңа өмірдің беттен сүйіп,
Дегендей, тұрды – қанат гүлге ашалық!
Бөлене түссін енді гүлдер нұрға,
Егіле түссін алтын дәндер қырға.
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі