Өлең, жыр, ақындар

Алдардың әні

  • 23.08.2019
  • 0
  • 0
  • 2640
Әнін жазған Қуат Шілдебаев

Арынды елім
Атымды менің
Бекерге қоймаған Алдар деп.
Намысын қорғар,
Арысын қолдар
Алдымда тамаша таңдар көп.
Қайырмасы:
Мен – Алдармын, Алдармын,
Тура жолды таңдармын.
Керегі жоқ паңдардың,
Жылуы жоқ жандардың.
Адалдарды аңдармын,
Арамдарды алдармын.
Емеспін Алдар,
Жанымды жалдар,
Атымды қойғанмен Алдар деп.
Білетін мені,
Сүйетін мені
Өмірде өрелі жандар көп.
Қайырмасы.
Жарлыны жақтап,
Арлыны мақтап,
Сынаймын дүние қоңызды.
Халқымды сүю,
Жарқын бір жүру –
Негізгі мақсатым ең ізгі.
Қайырмасы.
Елімде ерке
Әнімді шерте,
Күлетін жерінде күлемін.
Таңдармен бірге,
Алдармен бірге
Жасайды мәңгілік ұлы елім.



Пікірлер (0)

Пікір қалдырыңыз

Мәлике

  • 0
  • 0

Айналайын қызымыз –
Артта қалар ізіміз.
Сен күлімдеп тұрғанда,
Айдай жарқын жүзіміз.

Толық

Айтшы

  • 0
  • 0

Сүйіктім менің, сөзіме сенгін,
Бір сәт те болса, қасыма келгін.
Бір сәт те болса, қалуың үнсіз –
Мақұлдап мені, сүюің мінсіз.

Толық

Ас деген

  • 0
  • 0

Сөзін тыңда халықтың:
Ас арқау ма, атау ма?
Айта алады анық кім,
Аузы барып атауға?

Толық

Қарап көріңіз