Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Қызыл дипломды қыз

Абдрахман Асылбек

Қызыл дипломды қыз

  • 28.08.2019
  • 0
  • 0
  • 1505
Менің жақын досым болды,
Көңілдесім – қошым болды.
Бірде маған мақтанды кеп,
Барлық сырын ақтарды көп:
– Шын бақытты іздегенге,
Құт екен ғой қыз деген де.
Үлкен үміт үзілмеген,
Кілең «бестік» қызылменен
Мектепті ол тәмамдады,
Қызықтырды тәмам жанды.
Шалқып шаттық әніміз де,
Шын қуандық бәріміз де...
* * *
Сол досымды көрдім тағы,
Нұр дидары бал-бұл жанды:
– Алғыр-дағы, ұтымды қыз
Институтты бітірді қыз.
Қойып берген ағалалары –
Кілең «бестік» бағалары.
Дипломы қызыл болды,
Өшпейтұғын ізім болды.
Мен осыған бек мақтандым,
Әкесімін деп шаттандым...
Арада көп жылдар өтті,
Жылдар жылжып, жылдам өтті.
Аспирант боп сол қызымыз,
Балқып дене, толқыды жүз...
* * *
Досты тағы жолықтырдым,
Қуанышты болып тұрды:
– Қызым менің ғалым болды,
Мықтылығы мәлім болды.
Диссертациясын қызылменен
Қорғап шықты қызым ерен.
Мен де оған қуандым шын,
Дайын еді мың алғысым...
* * *
Жылдар өтті арамызда,
Сағыныспай қаламыз ба?
Досты тағы жолықтырдым,
Қуанышты болып тұрдым.
– Достым, қазір қызың қандай?
Сезініп жүр өзін қандай?
Отау шамын жаққан шығар?
Үш-төрт бала тапқан шығар?
Жақсы жауап тостым бір сәт,
Тұнжырады достым бұл шақ:
– Дипломдар алғанымен,
Кілең «қызыл» болғанымен,
Мені қазір қайғы басты,
Қызым әлі жалғыз басты.
* * *
Қызыл диплом аламыз деп,
Көп қашыққа барамыз деп,
Ойламапты ойсыз қыздар,
Қызылы мен қызығынан
Айырылып бір күн қаламыз деп.

Абдрахман Асылбек диплом қызыл дипломды қыз Абдрахман Асылбек өлеңдері

Пікірлер (0)

Пікір қалдырыңыз

Таң

  • 0
  • 0

Шығыстан сәуле шашып таң келеді,
Тербетіп төсегінен жан денені.
Шырыдап шырқай ұшқан молдаторғай
Көңілге құйқылжыған ән береді.

Толық

«Қайраттың» жанкүйері

  • 0
  • 0

Көптен күткен команда –
«Қайрат» шықты алаңға.
Стадион гу де гу,
Толып кетті адамға.

Толық

Бабалардың сара жолын жалғаған

  • 0
  • 0

Бабалардың сара жолын жалғаған,
Даналардың дана ойын таңдаған.
Өткен күннен сабақ алып саналы,
Елбасымыз болашақты барлаған.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер