Өлең, жыр, ақындар

Жамбыл тойы

  • 08.11.2021
  • 0
  • 0
  • 364
(толғау)

Жамбыл десем елестеп тау қыраны,
Дауысымен жартастар жаңғырады.
Жамбыл тойы секілді өлең тойы,
Ал, жігітім, қолыңа домбыраны.
Боз үйлерді жазыққа көгендеп шын,
Көз біткенді алыстан елеңдетсін.
Дүрлігіп толқындары Жетісудың,
Жамбыл атам болып бір өлеңдетсін.
Әнші-күйші, ғалым мен ақының бар,
Теңіз болып аспанға атылыңдар.
Жамбыл тойы дегенің өлең тойы,
Шабыт қымыз сабадан сапырыңдар.
Ана сүтін бірге емген өлеңменен,
Ақын десе қазағым елеңдеген.
Сырласы-ау деп Жамбылдың көзін көрген,
Бір шал көрсем иіліп сәлем берем.
Бақыт құсы көңілдің көгіне өрсін,
Шуақ болып сол көктен төгілерсің.
Дүниеге атамды қайта әкеліп,
Топырағы туған жер тебіренсін.
Шашу етіп қырларым төксін гүлін,
Той жырымен жалғасып өтсін күнім.
Даласындай қазақтың Жамбыл жүрек,
Әр кеудеде бұрқанып, соқсын бүгін!



Пікірлер (0)

Пікір қалдырыңыз

Сені көріп айрылдым бар еріктен

  • 0
  • 0

Сені көріп айрылдым бар еріктен,
Сенің сөзің мұз жанымды еріткен.
Сұрау салып қыр соңыңнан қалмаспын,
Қайда барсаң, көлеңкеңдей еріп мен...

Толық

Менің даусым

  • 0
  • 0

Жаңбырын, ақ шуағын құйып кеуде,
Жыр бағын сыйға тартсам сүйікті елге.
Сол бақтан үнім тарап кеңістікке,
Дауысым жетсе менің биіктерге!

Толық

Жүйрігін жүрер кім баптап

  • 0
  • 0

Жүйрігін жүрер кім баптап,
Тірліктің түрі оған жат.
Ақша, дүние қымбаттап,
Арзандап кетті-ау адамзат.

Толық

Қарап көріңіз