Өлең, жыр, ақындар

Бастық пен басбух

  • 25.08.2019
  • 0
  • 0
  • 1083
Бір мекеменің бастығы болды,
Өзіне сай басбухы болды.
Төрт түсті қаламы болды,
Қаламы емес, амалы болды.
Мәнін айтып ісінің,
Алдына келген кісінің
Қайтармады меселін,
Білді іштей есебін.
Япырмай, неткен мырзалық,
Бәрін бірдей ырза қып,
Сұраса да қарызға,
Қолын қойып арызға,
Басбуғына жұмсады,
(Бастыққа кім ұрсады?)
Басбух көріп арызды,
Орындайды парызды:
Қол қойылса қызылмен,
Күн күлімдеп жүзінен,
Айқара ашып кассасын,
Ұсынды тез ақшасын.
Қол қойылса көкпенен,
Сылтау айтып ептеген,
Қелгенің жөн ертең деп,
Жауап берді кердеңдеп.
Қол қойылса сарымен,
Сөзді қозғап әріден,
Екі-үш рет барсаң да,
Салып қояр сарсаңға.
Қол қойылса қарамен,
Тарылғандай бар әлем,
Тас түйіліп қабағы,
Түнеріп бір қалады.
Он күннен соң кел дейді,
Ай өтсе де, бермейді.
Солай, достым, ұғып ал,
Сияның да сыры бар.



Пікірлер (0)

Пікір қалдырыңыз

Жеңешем

  • 0
  • 0

Аспанда айға теңесем,
Асыра айтты деме сен.
Өзіңнен артық жан бар ма,
Жеңешем, менің жеңешем?

Толық

Мәңгілік махаббатым

  • 0
  • 0

Мәңгілік махаббатым – анам менің,
Оянды ақ сүтіңмен санам менің.
Шыр етіп дүниеге келген күннен
Бақытым, бар арманым – балам дедің.

Толық

Ішіп кетті

  • 0
  • 0

Бірінші рет бірер күн ішіп кетті,
Ішіп кетті –
Лақылдата құсып кетті.
Екінші рет бір апта ішіп кетті,

Толық

Қарап көріңіз