Өлең, жыр, ақындар

Өмірге жылап келмей, күліп келдім

  • 08.11.2021
  • 0
  • 0
  • 481
Өмірге жылап келмей, күліп келдім,
Сәуледей бетіндегі тұнық көлдің.
Басынан адамдардың бақыты асса,
Бақытты болармын деп үміттендім...
Осы оймен жылынатын бүкіл денем,
Құс жүрек көкірегімде лүпілдеген.
Қайырымсыз құмға сіңген ақ жаңбырдай,
Өмірім өте берді күтуменен.
Қарсы алдым, келген көктем, келген қысты,
Алғандай аспаннан ой, жерден күшті.
Сарғайып, сағынышты санаменен,
Жанымның жапырағы желмен ұшты...
Сабырдың осы болар сарқылғаны,
Ызадан жан-жасыны жарқылдады.
Көптен бір мен дәметкен бақыт кілті,
Әркімнің өз басынан артылмады.
Әсем ән, әсем күлкі, жарқын әлем,
Шығады сенсіз іштен салқын өлең.
Көгінде бозторғайдай көз ілермін,
Ашық күн тілеп ана, халқыма мен.
Тұрған соң жақсылыққа бұрып көңіл,
Көңілге келген сырды ірікпедім.
Адамнан шарапатты күтіп жүрсем,
Шарапат менен күтіп жүріпті елім.
Көзіммен тыныштықтың таңын бағып,
Көмермін зұлымдықты дабыл қағып.
Елге бар жарығымды құяр ма едім,
Алдыма ақ арманның шамын жағып!...



Пікірлер (0)

Пікір қалдырыңыз

Жаралы жауынгер күнделігінен

  • 0
  • 0

Ерттеп бір мінгендей-ақ шабыт желін,
Басылар әр қияға барып көңіл.
Оқталған зұлымдыққа от жүрегім
Шығардай көкірегімді жарып менің.

Толық

Жүрдім қанша сүйгенімді сездірмей

  • 0
  • 0

Жүрдім қанша сүйгенімді сездірмей,
Кездескенде лағып кетем сөз білмей.
Өмір сүрдің, мені мәңгі ыза ғып,
Жерде жатқан қурай ғұрлы көзге ілмей...

Толық

Көктем келді гүлден алқа тағынып

  • 0
  • 0

Көктем келді гүлден алқа тағынып,
Бала қыздай тентек, сары кекілді.
Сұлу күнді сырлы күнді сағынып,
Тас бұлаққа жуған қандай бетіңді.

Толық

Қарап көріңіз