Өлең, жыр, ақындар

Таба нан

  • 09.07.2020
  • 0
  • 0
  • 3000
Жас кеттім туған үйімнен;
Көп кездім қала жатағын,
Әйтеуір —
бала күнімнен
Басталды менің сапарым.
Жататын -
үйді жылытып,
Жол қамын жасап анашым,
Қып-қызыл шоқты үгітіп,
Қыздырып қара табасын.
Абдырап.
Іштей сүйініп,
Ұстатып нанды қолыма,
Тұратын ұзақ
Сыйынып
Даланың қара жолына.
Таба нан -
анам пісірген
Бір жүрді талай жолдарда,
Аман-сау қайтып...
Ішімнен
Сыйынушы едім сол нанға.
Жыл сайын —
ұшып келем мен
Ауылға барып,
ойнақтап,
Аспан ғой қанша дегенмен,
Келеді түрлі ой қаптап.
Отырам бірақ жайланып,
Қызықтап таудың ақ басын,
Анамның ыстық ақ наны
Бірге ұшып келе жатқасын...



Пікірлер (0)

Пікір қалдырыңыз

Достар құшағында

  • 0
  • 0

Достар құшағында
Қасымда бүгін достарым менің,
Құшағым толы қырмызы гүлдер.
Сағи Жиенбаев

Толық

Құлын

  • 0
  • 0

Табиғаттың осындай бір қастығын
Көрмейін деп бұлт астына қашты күн.
Жаңа ғана енесіне жай түсіп,
Жапан дүзде қала берді жас құлын.

Толық

Түсімде

  • 0
  • 0

Бір күні әкеп, ақ анам
Сыйлады бір ат маған:
Ешкім іздеп таппаған,
Ешкім мініп шаппаған.

Толық

Қарап көріңіз