Өлең, жыр, ақындар

Қаланы көптен жүр кезiп бiр мұң

  • 12.07.2020
  • 0
  • 0
  • 1222
Қаланы көптен жүр кезiп бiр мұң,
тұнжырап мөлдiр жанары.
Бетпе-бет келiп,
мың кезiктiрдiм,
ашылмайды ешбiр қабағы.
Көргем жоқ кезiн күлiмсiреген,
қарғай ма қатал тағдырын?
Жас жуса жүзiн жылымшы,
денем
сезедi нөсер жаңбырын.
Сүйемiн үнсiз, тегi, мұңды мен,
отырып алып оңаша.
Алабұртады көңiлiм кiлең,
жайлы емес жанға ол аса.
Тым ыстық маған мұңның ажары,
жанары ойлы тұнжырап.
Жастықтың тарап дулы базары,
жүрегiм сыңсып тұр жылап.
Ортақ боп ойға осындайда мұң,
бөлiсер менiң сырымды.
Даңғаза шуға қосылмайды әнiм,
зерлеймiн шермен жырымды.
Сүйемiн үнсiз, тегi, мұңды мен
ажары ұқсас өзiңе.
Жуамын жаспен өңiрiмдi де,
көздерi түссе көзiме…
Ғашықтықпенен келеке қылды,
оны ылғи қинап Тәңiрiм.
…Сол мұңның
жұртқа
сен екенiңдi
айтқам жоқ,
жетiп сабырым!..



Пікірлер (0)

Пікір қалдырыңыз

Қарғам менiң, қараңғы түн жамылып

  • 0
  • 0

Қарғам менiң, қараңғы түн жамылып,
мен саған сырымды ақтардым,
дүрсiлiнен жүректiң мың жаңылып,
жырладым мұңын бақтардың.

Толық

Тым таныс дауыс…

  • 0
  • 0

Тым таныс дауыс…
Бiреу кеп маған үн қатты…
Аяқ астынан абыржып,
денем дiр қақты:

Толық

Жаным

  • 0
  • 0

Жаным,
қайғы
зәрiн
жайды

Толық

Қарап көріңіз